Koordenadora Jerál Komisaun Nasionál Prevensaun COVID-19, Odete da Silva Viegas. Imajen Tatoli/Felicidade Ximenes.

DILI, 09 fevereiru 2021 (TATOLI)—Governu liuhosi ekipa Ministériu Saúde (MS), sei halo sosializasaun uluk ba komunidade molok halo vasinasaun AstraZeneca  iha Timor-Lesta (TL).

Tuir planu, sosializasaun ne’e sei hala’o durante fulan rua hahú iha meiu fulan fevereiru to’o marsu, atu esplika kona-bá natureza no sentidu loloos hosi vasinasaun ne’e.

Notísia Relevante:Armanda ho ekipa hahú prepara ba vasinasaun AstraZeneca

“Ami sei esplika detallu ba komunidade kona-bá vasinasaun ne’e, hanesan vasina tiha saida mak sei akontese. Ita sei halo sosializsaun hodi fahe informasaun durante fulan rua hahú fulan fevereiru to’o abríl,’’ Koordenadora Jerál Komisaun Nasionál Prevensaun COVID-19, Odete da Silva Viegas, hateten liuhosi konferénsia imprensa iha Palásiu Sinzas, Caicoli, tersa (09/02).

Tanba ne’e, Odete husu ba entidade hotu-hotu hodi halo kooperasaun másimu liuliu hakaas aan atu intende didi’ak saida mak Governu liuhosi Ministériu Saúde sei halo.

Ekipa Ministériu Saúde mós sei halo advokasia ba komunidade kona-bá vasinasaun AstraZeneca banhira planu ne’e hetan ona aprovasaun husi Konsellu Ministru (KM) iha tempu badak.

“Aban ekipa tékniku Ministeriu Saúde sei hato’o planu no programa ne’e iha Konsellu Ministru,” Odete hateten.

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here