Logotipu TDD. Imajen Tatoli/Dok.

DILI, 08 fevereiru 2021 (TATOLI)-Kazu la’en taa feen to’o grave iha  área Surikmas, Dili, sesta liubá, submete ona ba primeiru audiénsia iha Tribunál Distritál Dili, segunda ne’e.

Arguidu ho inisiál FAB kumpre ona detensaun durante oras 72  iha sela polísia hodi kontinua submete ba primeiru interrogatóriu.

Notísia Relevante : PNTL investiga ona kazu la’en taa feen to’o grave

Ministériu Públiku (MP)  akuza  arguidu ho krime rua; arma branka lei númeru 5/2017 no krime omisídiu agravadu ne’ebé previstu iha artigu 139 hosi kódigu penal lei Timor nian.

Kona-ba motivu loloos hosi kazu ne’e seidauk bele pronunsia tanba iha hela investigasaun nia-laran.

Liu hosi prosesu primeiru interrogatóriu iha alegasaun MP husu Tribunál atu aplika medida koasaun prizaun preventiva ba arguidu tanba haree ba krime rua ne’e nia moldura penal liu tinan lima  tanba faktu hatudu arguidu lori duni sasán kro’at hodi taa lezada D nu’udar arguidu nia  feen iha  parte inus, liman, kabas ho kelen.

Parte defeza ne’ebé fó asisténsia legal ba arguidu solisita ba Tribunál atu aplika medida koasaun ne’ebé adekuadu.

Prosesu primeiru interrogatóriu ne’e prezide husi juis Singular, Maria Solana, Ministériu Públiku reprezenta hosi prokuradór Domingos Barreto, arguidu hetan asisténsia legal husi Defensór Públiku Rui Guterres.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here