Vise-koordenadora Forsa Tarefa Prevensaun Metigasaun Surtu COVID-19, Odete da Silva Viegas. Imajen Tatoli/Egas Cristovão.

DILI, 05 fevereiru 2021 (TATOLI)—Ministeriu Saúde (MS) re-integra pasiente COVID-19 na’in-haat ba família tanba rekopera ona.

”Ami inkorpora tan pasiente COVID-19 na’in-haat hosi izolamentu Vera Cruz ba família. Na’in-haat ne’e kompostu husi mane na’in-ida no feto na’in-tolu,’’ Koordenadora Jerál Komisaun Nasionál Prevensaun COVID-19, Odete da Silva Viegas, hateten liuhosi konferénsia imprensa iha salaun Minsitériu Saúde, sesta (05/02).

Notísia Relevante:Kazu pozitivu COVID-19 aumenta ba 27

Entre na’in-haat ne’e, feto ida Brazileira no na’in-tolu seluk Timoroan ne’ebé sira-nia rezultadu teste labortóriu hatudu negativu tutuir-malu.

Oras ne’e daudaun, pasiente ne’ebé sei baixa hamutuk na’in 23 kompostu hosi sala izolamentu Vera Cruz na’in 22, no Rejiaun Administrativa Espesiál Oe-cusse Ambeno (RAEOA) na’in-ida.

“Maluk sira ne’ebé sei baixa kompostu hosi sidadaun estranjeiru na’in-hitu no Timoroan na’in 16 ho kondisaun di’ak hotu,” Odete subliña.

Dadus ba loron 5 fevereiru 2021 komulativu teste 19.562, hein rezultadu 60, komulativu kazu 80, rekoperadu haat, komulativu rekoperadu 54+4 =61, kazu foun la iha, atuál baixa 23.

Rezultadu negativu 19.422, totál kuarentena  206, Dili 91, Munisípiu 115, auto-kuarentena     128, Dili 102, Munisípiu 26, pasa ona loron 14, na’in  7.732, Dili 6.412, Munisípiu 1.320.

Jornalista: Felicidade Ximenes

Editór: Cipriano Colo

PUBLISIDADEiklan

HAKEREK NO HATÁN

Please enter your comment!
Please enter your name here