iklan

NASIONÁL, JUSTISA, DILI, HEADLINE

MP la aseita TR altera medida koasaun ba arguidu hosi Elite Computer ho Telemor

MP la aseita TR altera medida koasaun ba arguidu hosi Elite Computer ho Telemor

Prokuradór Jerál Repúblika, José da Costa Ximenes. Imajen Tatoli/Egas Cristovão

DILI, 05 fevereiru 2021 (TATOLI)-Prokuradór Jerál Repúblika (PGR), José Ximenes, lamenta desizaun Tribunál Rekursu (TR) hodi altera medida koasaun hodi liberta arguidu hosi Elite Computer ho  Telemor iha prizaun preventiva.

“Ita la aseita desizaun ne’e tanba ema ne’e estranjeiru hotu tanba faktu hatudu ona ema estranjeiru barak mak la koopera  hodi halai hosi justisa,” José Ximenes, hateten hodi responde ba jornalista iha edifísiu PGR, Caicoli, Dili, sesta ne’e.

Notísia Relevante : Jestór Telemor ho Elite Computer liberta ona hosi prizaun preventiva

Mezmu PGR lamentavel, maibé PGR respeita desizaun Tribunál Rekursu tanba TR mak aas liu iha Timor-Leste.

José Ximenes la kestiona kona-ba méritu iha kapasidade juis sira iha TR, maibé presiza foti desizaun prudente  hodi haree ho didi’ak.

“Se la kria Tribunál Supremu tenke kria ona panel ida iha TR tanba daudaun iha juis na’in-tolu mak iha TR, nune’e la konkorda bele rekorre, se lae, ita atu halo rekursu ba tan ne’ebé,” José Ximenes hateten.

Jornalista   : Nelson de Sousa

Editór        : Francisco Simões

iklan
iklan

Leave a Reply

iklan
error: Content is protected !!