Diretór Sentru Formasaun Jurídika no Judisiáriu, Antonino Gonçalves. Imajen Tatoli/Egas Cristóvão.

DILI, 03 fevereiru 2021 (TATOLI)-Sentru Formasaun Jurídika no Judisiáriu (SFJJ) hahú públika ona rekrutamentu vaga ba Timoroan lisensiadu direitu atu konkorre  tuir formasaun iha SFJJ para prienxe vaga  majistradu judisiál ka juis.

“Rekizitu   primeiru mak kandidatu sira tenke lisensiadu iha area direitu no karik mestradu iha area direitu di’ak liután. Tenke timoroan, rejistu kriminál hosi servisu notariadu, atestadu médiku hosi Ospitál Nasionál Guido Valadares (HNGV), dokumentu komprovativu rezidénsia permanente iha Timor-Leste, deklarasaun kompromisu onra, legalizasaun diploma hosi ministériu edukasaun no  rekerimentu kandidatura ba SFJJ,’’ diretór SFJJ, Antonino Gonçalves, informa ba Agência TATOLI iha Dili, kuarta ne’e.

Notísia Relevante : SFJJ sei loke uluk vaga lisensiatura direitu ba formasaun juiz

Nia klarifika, antes ne’e deside vaga  presiza kandidatura na’in-25, maibé haree ba kondisaun aula iha SFJJ  akumula ema to’o 25, nune’e redús ba na’in-23 hodi bele tuir formasaun iha ikus mai se mak valór di’ak liu sei prienxe ba vaga-15.

Bainhira kandidatura sira hatama hotu ona dokumentu tuir tempu ne’ebé iha,  ekipa juri  halo prosesu selesaun pasa mak sei tuir iha etapa teste no faze tuir mai mak kandidatu sira bele tuir formasaun.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here