Prezidente RAEOA-ZEESM,TL, Arsénio Paixão Bano. Imajen/Egas Cristovão

DILI, 29 janeiru 2021 (TATOLI)—Autoridade Rejiaun Administrativa Espesiál Oe-cusse Ambeno (RAEOA), konstrui ona kuarentena foun hamutuk haat ho kuartu 56 iha fronteira.

Prezidente Autoridade RAEOA, Arsénio Bano, esplika kuarentena haat ne’ebé iha hela prosesu konstrusaun, ho nia lokalidade iha pontu entrada sira hanesan Oesilo, Sakato, Pasabe no Cintrana.

Notísia Relevante:Pozitivu COVID-19 ida iha RAEOA, MS bandu movimentu ilegál

“Fulan marsu no abríl ita bele iha ona kapasidade atu uza tanba iha nasaun viziñu Indonézia liu-liu provínsia Nusa Tenggara Timur, kazu COVID-19 sa’e maka’as tebes,’’Arsénio Bano hateten ba jornalista sira iha Palásiu Sinzas, Caicoli, sesta (29/01).

Kona-bá progresu konstrusaun, nia informa, iha pontu entrada fronteira Sakato atinji ona 60%, Oesilo 20%, iha Pasabe 20%, Cintrana progresu to’o ona 30 %.

Tuir dadus husi ekipa saúde RAEOA katak, oras ne’e daudaun, maluk sira ne’ebé mak iha kuarentena Oe-upun hamutuk na’in 64 no sidadaun Indonézia na’in haat mak halo auto-kuarentena rasik, nune’e totál na’in 68.

Jornalista: Felicidade Ximenes

Editor: Cipriano Colo

HAKEREK NO HATÁN

Please enter your comment!
Please enter your name here