Deputadu Sabino Guntur: Imajen/Espesiál.

DILI, 25 JANEIRU 2021 (TATOLI)—Rai tarutu (Guntur) makaas, la konsege harahun Foho Matebian ne’ebé harii-metin iha rai Quelicai nia husar leten. Rai tarutu (Guntur), halo Quelicai oan ida hosi Suku Lelalai, Sabino Soares, hakarak nakfilak-aan hanesan “rai tarutu” atu luta ba Timor-Leste nia ukun rasik aan, hodi fó-naran ba nia naran rasik GUNTUR (Gunakan Tenagamu Untuk Rakyat) hodi luta ba povu no rai-lulik ne’e ninia “ukun aan rasik” to’o nia iis kotu.

Notísia Relevante: Saudozu Guntur kontribui dinamiza frente klandestina

Durante sei moris, nu’udar juventude Lorico Asswa’in ida, nia utiliza ninia enerjia tomak ba povu no rai-lulik Timor-Leste nia auto-determinasaun liuhosi organizasaun rezisténsia sira-ne’ebé nia involve no harii mak hanesan EGOLAI, AMOR DA PAZ, HPPMAI, LIJUMA, OPJLATIL, CPD-RDTL no seluk tan. Iha ninia partisipasaun ba luta libertasaun nasional ne’e, mak militár Indonézia sira sempre kaptura nia tanba organiza juventude sira halo demonstrasaun hasoru rezime Soeharto no hetan kastigu iha Komarka Kaisae-Buruma-Baucau durante fulan 20 nia laran.

Saudozu Guntur hanesan mós joven sira seluk iha Timor-Leste nia laran tomak, nia hamriik komu liman ho nia lian makaas hanesan “Rai-Tarutu” (Guntur) hodi kontra duni Indonézia ninia prezensa iha Timor-Leste, no ho ninia partisipasaun no juventude lorico asswa’in sira seluk iha territoru laran no to’o iha Jakarta-Indonézia ne’e’bá, fó sira-nia partisipasaun hodi dinamiza frente klandestina to’o Timor-Leste hadau idenepndénsia. Saudou Sabino Guntur nia lian hanesan “Guntur” (rai taruru) ne’ebé tarutu lemorai hodi bele manan Timor-Leste nia ukun rasik aan

Biografia

Saudozu Sabino Soares ”Guntur”, moris iha loron 08 fulan-jullu, tinan 1975 iha Lelalai, Postu Administrativu Quelicai Munisípiu Baucau. Saudosu hanesan oan mane da-haat husi (aman) Luis Soares, hosi Uma-lisan Osso-misa Baidiga, Lelalai-Quelicai no (Inan) Celestina Boavida Freitas hosi uma lisan Apa-lebe isi’i, Uatu-Lari, Viqueque. Saudozu ho nia maun alin hamutuk nain 14, Mane na’in na’in-lima (5) no feto na’in-sia (9) maibé sira na’in-13 mak fila ikas ona ba Aman Maromak nia-kadunan inklui mós ho saudozu Sabino Soares ‘Guntur’.

Saudozo Sabino Guntur nia espoza ho oan sira akompaña saudosu nia isin-mate ba iha Parlamentu Nasionál hodi partisipa iha sesaun solene no fó omenajen ikus ba saudozu, segunda (25/1) Imajen Tatoli/Antonio Goncalves.

Durante moris, saudozu mós kaben ona ho Elizita Fatima de Jesus hosi Liquica, Uma-Lisan Pisu-Lete, Suku Lauhata, Postu Administrativu Bazartete, Munisípiu Liquiça. Sira-na’in rua (2) nia ai-fuan domin sira hamutuk na’in-lima mak hanesan Selly Romance Guntur Soares, Salagueru Guntur Soares, Salaria Guntur Soares, Jemmore Ellymor Guntur Soares, Jé Guntur Kay Rala E. Fatima Soares.

Saudozu hahú no remata nia-estudu ensinu báziku no ensinu sekundária iha Quelicai no Baucau Villa, nia kontinua nia estudu iha Universitas Timor Timur (UNTIM) no Universita Nacional Timor Lorosa’e (UNTL) iha área siénsia polítika iha no akaba iha 2007. Hafoin ne’e, nia hatutan nia estudu maestradu iha Institutu Cristal no ramata ona seidauk hetan Graduasaun tanba sei hein oráriu hosi universidade.

Partisipasaun iha luta libertasaun nasionál

Iha tinan 1985, saudozu hahú nia atividade luta ba ukun rasik aan, saudozu nú’udar responsável prinsipál ba juventude iha Kaisa Cheque Wari (Wa Cheque) hosi Suku Lelalai, Postu Administrativu Quelicai, Munisípiu Baucau. Iha momentu ne’ebá, saudosu servisu hamutuk ho Faustino alias Wa Cheque nu’udar testamuña. Iha atividade klandestina, membru kaisa sira promove saudozu nu’udar responsavel prinsipál hahú hosi tinan 1986.

Iha loron 01 fulan Abril 1990, saudozu hahú involve aan iha grupu Joven Klandestina ho naran “EGOLAI” hosi Joven ano Jubileo Quelikai nian. Iha altura ne’ebá, saudozu hamutuk ho nia maun-alin no kolega sira mak hanesan João Silvino X. Ximenes (Samea), Brigidio Aleixo Soares, Hernanio Agostinho Soares (Sefu), Placido Boavida, Cesario, Eugebio Freitas, inklui sira seluk ne’ebé la temi naran. Iha tempu ne’ebá, saudozu hanesan pesoa konfiansa hosi Carlos Freitas ne’ebé sai nu’udar fundadór ba grupu “EGOLAI” nian.

Aleinde ne e, saudozu sai fundadór ba Grupu “AMOR DA PAZ”, hamutuk ho nia maun
alin Jaco Freitas (Sakunar). Objetivu prinsipál hosi grupu refere mak atu habelar
komunikasaun ba Frente kladestina iha Baucau atu nune’e joven sira kontinua insiste no luta ba ukun rasik aan.

Iha tinan 1990, saudozu involve iha organizasaun klandestina no naran “Himpunan Pemuda Pelajar dan Mahasiswa Anti Integrasi (HPPMAI). lha tinan 1993, saudozu asume kargu nu’udar kordenadór jeral ba organizasaun popular “Loriku Asswa’in” hosi Sub-Rejiaun II Baucau nian.

Iha loron 01 fulan janeiru tinan 1993, saudozu hamutuk ho nia maun alin sira hodi hari’i organizasaun ne’ebé ho naran “LIJUMA”” (Liga Juventude Matebian) ho nia kompaneiru sira mak hanesan Domingos Oliveira (Kaikeri), João Silvino Ximenes (Samea), Julio Gamulaa, Helder Guteres (Taringa), Grigorio Rodolfu Ramos (Alegria).

Iha fulan Marsu tinan 1993, saudozu hah’u halo ligasaun direta ho komadante Rodak Alias Teki Timur liuhosi grupu melodi nian. Iha momentu ne’ ebá, saudozu grupu namuuk ho nia kolega sira mak hanesan Gregoriu (Alegria) no Jakob Freitas (Sakunar). Iha tinan hanesan, saudozu halo planu atu sunu Baucau Kota Lama (Vila Antiga) maibé la konsege realiza tanba intelijensla sira deskobre uluk ona sira-nia planu.

Iha loron 07 fulan Jullo 1993, saudosu dedika aan tan ba organizasaun OPJLATIL (Organizasaun Juventude Loriku Asswa’in Timor Leste), saudozu asume kargu nu’udar Koordenadór iha Sub-Rejiaun Norte Baucau, Rejiaun I.

Iha loron 01 de Janeiru tinan 1995, saudozu organiza masa hamutuk ho nia maluk juventude sira seluk hodi halo asaun demostrasaun boot iha Baucau Vila hodi harahun tia Merkadu Baucau.

Iha Fulan Juñu 1996, saudozu organíza massa hodi sunu Meskita ka Mesjid iha Baguia no saudozu organiza tan atividade demostrasaun lubuk ida iha Baucau tanba milit’ar Indonézia tiru mate joven ida ho naran Paul iha loron 05 fulan Setembru tinan 1996 iha Suku Wai-Tame, Quelicai, Mulia-Laga.

Iha loron 07 fulan Setembru tinan 1996, saudozu organiza massa no halo demonstrasaun hodi kontra miltár Indonézia ne’ebé oho Paul. Demostrasaun ne’e komesa hosi Mulia to’o iha Baucau Villa, no kontinua fali iha loron 08 fulan Setembru tinan 1996 hosi Suku Wailili no tama to’o iha Baucau Villa.

Iha fulan Janeiru 1996, saudozu organiza nia-maluk juventude sira iha grupu “Amor da Paz” hodi simu amo Bispu Don Basilio iha Baucau. Liu tiha eventu ne’e, saudozu kontinua organiza Grupu Amor Da Paz hodi ba partisipa Misa iha Viqueque. Objetivu organiza grupu
refere atu hametin relasaun amizade entre juventude Baucau no Viqueque iha tinan 1997.

Imajen Tatoli/Antonio Concalves.

Iha fulan jullu 1997, saudozu ho nia maun alin sira hetan persegisaun makaas hosi militár Indonézia iha Baucau, saudozu ho nia kolega sira konsege subar iha fatin balun iha Baucau. Maibé, militar Indonézia kontinua buka tuir nafatin, nune’e saudozu ho nia maun alin sira deside ba subar iha Munisípiu Suai no hela hamutuk ho Hernanio Agostinho Soares nu’udar enfermeiru iha ospitál Suai durante fulan tolu nia laran.

lha fulan outubru tian 1998, saudozu sai nu’udar koordenadór jerál ba organizasaun Juventude hotu-hotu iha sub-rejiaun Norte Baucau, iha Frente Polítika interna (FPI) no CNRT nian. Objetivu hosi atividade ida-ne’e atu organiza joven, inan-aman sira atu tuir votasaun ba referendu 1999 hodi tu’u ba Ukun Rasik Aan.

Involve iha Oganizasaun CPD-RDTL

Saudozu Sabino Soares “Guntur” (Gunakan Tenaga Untuk Rakyat) hahú involve no partisipa iha organizasaun Konsellu Populár Defeza-Repúblika Demokrátika Timor-Leste (CPD-RDTL) Fretilin Movimentu hodi luta ba restaurasaun hahú hosi tinan 1999-2014. Aleinde ne’e, saudozu asume kargu nu’udar membru Komité Sentral Fretilin (CCF) terseira dirasaun FRETILIN MOVIMENTO no asume kargu nu’udar vise-dirasaun juventude Fretilin Movimentu iha CPD-RDTL/FRETILIN.

Karrera Servisu

Iha tinan 2002 saudosu nu’udar Fundadór ba Eskola Sekundária (agora tékniku vokasionál) 28 Novembro, saudosu mós hala’o nia kna’ar nu’udar profesór iha eskola refere hahú hosi tinan 2002-2017.

Karrera Polítika

Iha tinan 2015-2017, Saudosu Guntur sai inisiadór no fundadór ba Partidu Libertasaun Popular (PLP) no saudozu asume kargu nu’udar vise-prezidente no prezidente interinu komisaun ba instaladór PLP.

Iha tinan 2017-2021, promove nia kargu nu’udar vise-prezidente CPN-PLP no hetan oportunidade nu’udar deputadu hosi bankada PLP iha tinan 2018-2021.

Durante hala’o nía kna’ar nu’udar deputadu, saudozu hetan oportunidade asume kargu nu’udar vise-prezidente Komisaun G iha Parlamentu Nasionál durante tinan ida-nia laran (2018-2019). Sorin seluk, saudozu mós hetan fiar sai nu’udar prezidente interinu Komisaun G iha fulan janeiru 2020-juñu 2020.

Torturasaun

Iha loron 25 fulan juñu 1988, saudozu hetan kapturasaun dahuluk hosi Tim Saka iha Quelicai Vila. Iha altura ne’ebá, saudozu sei hala’o hela nia estudu ensinu báziku no ensinu báziku terseiru siklu (SD no SMP) iha Quelicai.

Iha tinan 1989, saudozu hetan kapturasaun no torturasaun hosi Tim Saka hamutuk ho nia maluk Jose Elidifonso, Costantino (Dara-Lobo) na Carlos Freitas (Bualale). Aleinde ne’e, saudozu hetan tan kapturasaun hosi Komando Rayon Militer (KORAMIL) Quelicali tanba saudozu nia alin Brigidio  Aleixo Soares no Hernanio Agostinho Soares halo problema ho Tenaga Bantuan Operasi (TBO=asistente militár) no soldadu militár Indonézia balun iha KORAMIL Quelikai.

Iha loron 15 fulan novembru tinan 1991, saudozu hetan kapturasaun hosi milltár Indonézia iha Suku Santa Cruz-Dili, hamutulk ho nia maun Francisco Agostinho Soares (Milfrey). Militár Indonézia tortura no lori saudasu ba iha Sede Suku Santa Cruz hadi submete ba investigasaun.

Depois militár sira halo tiha interogasaun, militár sira husik fali saudozu livre maibé militár sira kontinua halo presaun makaas no saudozu deside hodi halai no subar iha Quelicai. Maibé to’o iha Quelicai, militár Indonézia kaptura tan saudozu kesi metin ho tali, tortutura no tau aljema ba nia liman durante loron tolu (3) nia laran.

lha tinan 1990, Tim Saka sira detein no halo torturasaun ba saudozu iha Samarogo, Suku Nahareka, Postu Administrativu Ossu, Munisípiu Viqueque, tanba saudozu
konsideradu hanesan suspeitu ne’ebé organiza joven sira seluk no hamutuk ho Forças Armadas de Libertação de Timor-Leste (FALINTIL) sira hodi luta ba ukun rasik aan.

Iha tinan 1992, Tim Saka sira detein tan fali saudozu iha Makalosso-Lelalai, hamutuk ho nia alin Egidio Aleixo Soares (Lasudur). Tim Saka sira lori saudozu ho nia alin hodi tuir Investigasaun no hetan kastigu durante loron tolu (3) nia laran iha Asrama Saka, Laisorulai, Quelicai.

Iha tinan 1995, militar Indonézia sira detein tan saudozu hamutuk ho nla maun-alin sira mak hanesan Maukana (Paul Conçeição), Mauricio Freitas (Chegetula), Raul Freitas (Lika-lika Lemorai) no Ilidio dos Santos (L-75).

lha tinan 1996, saudozu hetan tan kapturasaun hosi militár Indonézia iha GOR (Gedung Olahraga) Baucau Kota Baru no saudozu simu julgamentu hanesan joven ida-ne’ebé halo ajitasaun polítika ba ukun rasik aan no dadur iha Prizaun Kaisae-Buruma-Baucau durante fulan 20 nia laran.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here