Logotipu FFTL no Bandeira RDTL. Imajen/FFTL

DILI, 23 janeiru 2021 (TATOLI) – Adjuntu Sekretáriu Jerál Federasaun Futeból Timor-Leste (FFTL), Frederico Martins, informa  FFTL halo hela kontaktu ho nasaun sira iha ASEAN no FIFA atu realiza jogu amigavél entre selesaun nasionál Timor-Leste ho selesaun nasionál sira iha ASEAN iha kategoria senior nian.

Jogu amigavél ne’e halo ho nia objetivu hanesan preparasaun ida hodi hatene forsa selesaun nasionál Timor-Leste nian agora to’o ona iha ne’ebé molok hakat ba jogu Suzuki Cup no AFF nian.

Notísia Relevante : 2019, AFC-AFF-FIFA haraik osan ba FFTL $1,933,815.90

“Ami iha ona planu ba jogu amigavél antes Qualification Round. FFTL halo ona kontaktu ho nasaun iha ASEAN mak hanesan, Cambodia no Laos ba jogu ne’e no mós iha hela faze komunikasaun ho membru FIFA atu realiza jogu amigavél ne’e iha tempu besik,” Frederico Martins, informa ba Agéncia TATOLI iha edifísiu FFTL, Dili, sábadu ne’e.

Preparasaun ba AFF

FFTL planeia mós atu halo training camp mínimu semana tolu antes kompetisaun iha AFF ba selesaun nasionál U-15 to’o U-19 inklui selesaun nasionál feminina senior.

“Ba kompetisaun AFF futeból salaun (Futsal) Championship 2021 ne’ebé mak sei halo iha Tailándia ne’e mak ekipa ne’e sei halo TC durante semana tolu iha Tailándia antes semana tolu match day nian,” Frederico Martins hateten.

Iha oráriu tentativa  match day sei hahú iha loron 30 outubru, tinan ne’e, tanba ne’e ekipa Timor-Leste sei arranka iha loron 10 outubru, hodi halo preparasaun hafoin hakat ba kompetisaun.

Oráriu ba jogu AFF no Suzuki Cup

  1. Senior Mane

AFF Suzuki Cup

Qualification Round Leg 1

28 Aug 21

Qualification Round Leg

4 Sep 21

Group Stage

Nov – Dec 2021

  1. U-23 Men’s

AFC U23 Championship China 2022 – Qualifiers

23 – 31 Oct 2021

  1. AFF U18 Boys Championship 2021, Indonesia, 12 – 25 July 2021
  2. AFF U16 Girls Championship 2021 Indonesia 2 – 15 Aug 2021
  3. AFF Futsal Club Championship 2021 Thailand 17 – 22 Aug 2021
  4. AFF U15 Boys Championship 2021 Indonesia 23 Aug – 5 Sept 2021
  5. AFF Women’s Championship 2021 Philippines Aug – Sept 2021
  6. AFF Beach Soccer Championship 2021 Thailand 19 – 25 Sept 2021
  7. AFF Futsal Championship 2021 Thailand 30 Oct – 7 Nov 2021
  • AFF U19 Women’s Championship 2021 Indonesia 16 – 28 Nov 2021.

Daudaun ne’e  iha kampu FFTL Dili ekipa sira hahú prepara aan maka’as maski situasaun COVID-19 no Estadu Emerjénsia, maibé ekipa sira nafatin hala’o treinamentu ho distánsia sosiál hodi kumpre regra saúde públiku.

Jornalista   : Hortencio Sanchez

Editór        : Francisco Simões

 

HAKEREK NO HATÁN

Please enter your comment!
Please enter your name here