Diretór Jerál Ministériu Solidariedade Sosiál no Inkluzaun (MSSI), Rui Manuel Gago Exposto. Imajen TATOLI/Osória Marques.

DILI, 22 janeiru 2021 (TATOLI)—Diretór Jerál Ministériu Solidariedade Sosiál no Inkluzaun (MSSI), Rui Manuel Gago Exposto, informa pagamentu subsídiu $200 ba reklamante sira iha munisípiu 12 lá inklui Rejiaun Administrativa Espesiál Oé-Cusse Ambeno (RAEOA) ne’e finaliza tiha ona no agora tama ona iha faze rekonsiliasaun ba dadus sira.

Notísia Relevante: Semana oin, Governu sei halo pagamentu ba reklamante sira iha RAEOA

“Pagamentu reklamante ramata ona no ita agora tama ona ba faze rekonsiliasaun dadus nian, hodi nune’e ita ita bele finaliza relatóriu,” Rui Manuel Gago Exposto hatete ba Agência TATOLI iha nia knaar fatin, Caicoli, Dili, sesta ne’e.

Rui Manuel Gago Exposto informa, pagamentu ba reklamante sira iha munisípiu 12 la inklui Rejiaun Administrativa Espesiál Oé-Cusse Ambeno (RAEOA) hamutuk 11.277 hosi reklamante hamutuk 12.597.

“Ami selu ona ita-nia benefisiáriu sira ba reklamante hamutuk 11.277 ho osan $2,255,400 hosi totál osan aprovadu $2,519,400. Hosi reklamante 11.277 ne’e restante reklamante hosi RAEOA nian,” nia relata.

Nia haktuir, Munisípiu Aileu totál uma-kain ne’ebé simu ona pagamentu hamutuk 227 ho osan ne’ebé selu ona hamutuk $45.400 no hosi totál naran iha lista benefisiáriu nian hamutuk 315.

Iha Munisípiu Ainaro, totál uma-kain ne’ebé simu ona pagamentu hamutuk 994 ho totál osan ne’ebé selu ona hamutuk $198.800 no total naran iha lista benefisiáriu hamutuk 1.012.

Iha Munisípiu Baucau, uma-kain ne’ebé simu ona pagamentu hamutuk 630 ho totál osan ne’ebé selu ona hamutuk $126.000 no totál naran iha lista benefisiáriu hamutuk 643.

Nia dehan, hosi Munisípiu Bobonaro, totál uma-kain ne’ebé simu ona pagamentu hamutuk 1.317 ho total osan ne’ebé selu ona hamutuk $263.400 no totál naran iha lista benefisiáriu hamutuk 1.336.

Iha Munisípiu Covalima, totál uma-kain ne’ebé simu ona pagamentu hamutuk 371 ho osan ne’ebé mak selu ona hamutuk $74.200 no totál naran iha lista benefisiáriu hamutuk 382.

Iha Munisípiu Dili, totál uma-kain ne’ebé simu ona pagamentu hamutuk 3.166, ho osan ne’ebé selu ona hamutuk $633.200 no totál naran iha lista benefisiáriu hamutuk 3.509.

Iha Munisípiu Ermera, totál uma-kain ne’ebé simu ona pagamentu 1.751, ho osan ne’ebé selu ona hamutuk $350.200 no totál naran iha lista benefisiáriu hamutuk 1.772.

Iha Munisípiu Lautém, totál uma-kain ne’ebé simu ona pagamentu hamutuk 760, ho totál osan ne’ebé selu ona hamutuk $152.000 no totál naran iha lista benefisiáriu hamutuk 810.

Iha Munisípiu Liquiça, totál uma-kain ne’ebé simu ona pagamentu hamutuk 653, ho totál osan ne’ebé selu ona hamutuk $130.600 no totál naran iha lista benefisiáriu hamutuk 696.

Iha Munisipiu Manatuto, totál uma-kain ne’ebé simu ona pagamentu hamutuk 299, ho totál osan ne’ebé selu ona hamutuk $59.800 no totál naran iha lista benefisiáriu hamutuk 317.

Iha Munisípiu Manufahi, totál uma-kain ne’ebé simu ona pagamentu hamutuk 285, ho osan ne’ebé selu ona hamutuk $57.000 no totál naran iha lista benefisiáriu hamutuk 297.

Iha Munisípiu Viqueque, totál uma-kain ne’ebé simu ona pagamentu hamutuk 824, ho totál osan ne’ebé selu ona $164,400 no totál naran iha lista benefisiáriu hamutuk 849.

Entretantu, Vise-Ministra Solidaridade Sosiál no Inkluzaun, Signi Chandrawati Verdial hatete reklamante sira ne’ebé simu subsídiu $200 ba faze daruak nian ne’e, sei laiha tan ona ba faze datoluk tanba dadus reklamante 12.597 mak ikus ona.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here