Deputadu PD, Adriano do Nascimento. Foto TATOLI

DILI, 21 janeiru 2021 (TATOLI)–Partidu Demokrátiku (PD) prontu kolabora ho justisa hodi hasai imunidade ba Deputadu António da Conceição “Kalohan” tanba ema hotu iha lei nia okos.

Notísia Relevante: PN sei hasai imunidade ba Deputadu António da Conceição  

“Imunidade ba Deputadu Kalohan ne’e hein de’it Prezidente Parlamentu Nasionál halo ajendamentu de’it. PD sempre koopera tanba deputadu PD ka líder PD sei la halai ba rai-li’ur satán COVID-19 ne’e atu ba ne’ebé,” Deputadu Partidu Demokrátiku (PD), Adriano do Nascimento, ko’alia iha resintu Parlamentu Nasionál, kinta ne’e.

Nia dehan, Partidu Demokrátiku sempre koopera ho justisa nune’e bele hatudu ezemplu di’ak. Nia fundamenta, deputadu ka líder PD enfrenta kazu ruma sempre koopera justisa no labele sees hosi kualkér kazu.

Iha kuarta ne’e, Prezidente Parlamentu Nasionál, Deputadu Aniceto Longuinhos Guterres Lopes, fó-sai katak paresér ba prosesu levantamentu iha ona meza prezidénsia.

“Iha ona paresér hosi Komisaun A mai ona meza parlamentu depois tempu sira tuir mai bele halo ajendamentu atu hasai imunidade,” Aniceto Guterres informa ba jornalista sira, iha Palásiu Prezidensiál, Bairru-Pité.

Notísia Relevante: Tribunál espera PN aprova levantamentu imunidade deputadu António da Conceição

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here