Diretór Jerál Servisu Rejistu Notariadu, Crisogno da Costa Neto. Imajen Tatoli/Egas Cristovão

DILI, 21 janeiru 2021 (TATOLI) – Ministériu Justisa (MJ) liuhosi Diresaun Jerál Servisu Notariadu (DGSRN) sei sertifika sidadaun estranjeiru hamutuk na’in-120 hodi sai sidadaun Timor.

Diretór Jerál Rejistu Notariadu, Crisogno da Costa Neto, hateten sidadaun hirak ne’e kumpre hotu ona prosesu inskrisaun, teste no agora hein Ministru Justisa (MJ) Manuel Cárceres da Costa, hatún despaxu hodi públika iha Jornál Repúblika no bainhira públika iha Jornál Repúblika maka parte konservatóriu rejistu sentrál emite sertifikadu hodi distribui de’it.

Notísia Relevante : Ema estranjeiru na’in-1.020 sai sidadaun Timor

“Prosesu ba sidadaun estranjeiru na’in-120-resin daudaun ne’e prosesu seidauk hotu tanba Ministru Justisa seidauk hatún despaxu,” Crisogno da Costa Neto, informa ba Agéncia Tatoli, ohin, iha nia servisu fatin iha Dili.

Nia esplika, sidadaun hirak ne’e maioria hosi Indonézia no sira ne’e Governu sei sertifika sai sidadaun Timor liuhosi kategoria por kazamentu (kaben ho ema Timoroan).

Jornalista   : Nelson de Sousa

Editór        : Francisco Simões

 

HAKEREK NO HATÁN

Please enter your comment!
Please enter your name here