Prezidente CCI-TL, Oscar Lima, hamutuk ho nia estrutura CCI-TL Imajen Tatoli/ Florêncio Miranda Ximenes

DILI, 20 janeiru 2021 (TATOLI) – Kamara Komérsiu Indústria Timor-Leste (CCI-TL) partisipa reuniaun virtuál ho ASEAN-Business Advisory Council (BAC) hanesan parte ida hodi ajuda Timor-Leste nia adezaun ba ASEAN.

Sorumutuk konsellu asesoria emprezariál ASEAN-BAC ba dala-88 ne’e, prezide hosi Brunei Darussalam.

“Timor – Leste nia setór privadu hetan konvite ne’e bainhira reprezentante hosi CCI-TL aprezenta durante enkontru virtuál ho komunidade Ekonómika ASEAN iha 2020  no Ministériu Negósiu Estranjeiru no Kooperasaun ajuda koordena relasaun ne’e hanesan parte hosi nasaun nia esforsu ba adezaun.” Haktuir nota komunikadu ne’ebé Agéncia TATOLI asesu, ohin, hosi Ministériu Negósiu Estranjeiru no Kooperasaun.

Notísia Relevante : Timor-Leste partisipa enkontru virtuál altu nível organizasaun mundiál komérsiu

ASEAN- BAC estabelese hosi governu no estadu sira ho nia mandatu mak atu fasilita setór privadu nia fornesimentu paresér no akonsellamentu hodi promove ASEAN nia esforsu ba integrasaun ekonómika.

Timor – Leste agradese ba oportunidade hodi partisipa iha enkontru importante ne’e no hein ho ansiozamente atu fahe koñesimentu ne’ebé kle’an liután kona-ba nasaun nia setór privadu.

Timor – Leste nafatin iha kompromisu atu atinje jornada ne’ebé di’ak no inkluzivu ba adezaun, prosesu ida ne’ebé involve setór importante hotu.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here