Juis Administradór Tribunal Distritál Dili (TDD), Afonso Carmona. Imajen/Dok. Tatoli

DILI, 19 janeiru 2021 (TATOLI)-Juis Administradór Tribunál Distritál Dili (TDD), Afonso Carmona, hateten TDD sei disemina lei penál  ba komunidade hodi hasae koñesimentu komunidade nian prevene violénsia.

Afonso Carmona, hateten atividade ne’e  realiza bainhira iha ámbitu julgamentu móvel ho dezlokasaun juiz sira nian antes hala’o julgamentu  sei  disemina uluk lei sira hanesan kódigu penál, kódigu prosesu penál no kódigu sivíl, lei violénsia doméstika no lei sira seluk.

Notísia Relevante : TDD finaliza prosesu sivíl 382

“Ita la’ós hala’o de’it julgamentu  movel, maibé tinan ne’e ami planu hodi tun lori  prosesu justisa ba suku sira hosi esplika lei sira,” hateten Afonso Carmona ba Agéncia TATOLI, ohin, iha TDD.

Nia hatutan, Tribunál hakarak halo komunikasaun ho komunidade hodi hakbesik aan hala’o diálogu ruma hodi esplika problema konkretu oinsá ho dalan mak atu rezolve.

Tuir dadus TDD  iha 2020 prosesu sivíl ne’ebé tama iha TDD 398 no prosesu pendente hosi 2018-2019 hamutuk 1,000 no iha 2020 finaliza (julgadu) prosesu 382 no daudaun iha pendente 1016.

“Sei halo oráriu bainhira iha julgamentu móvel bele esplika nune’e komunidade bele kompriende  no bainhira iha terrenu komunidade sira husu ita esplika,” Afonso Carmona hateten.

TDD mós sei koordena ho parte prokuradór, defensór públiku, advogadu no sosiedade sivíl sira ne’ebé  halo akompañamentu ka  advokasia iha area justisa iha julgamentu sira hanesan Tribunál iha baze bele partilla mós papél sira nian, nune’e komunidade  hatene liu tan justisa.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here