Vise-Ministru Administrasaun Estatal, Lino de Jesus Torezao. Imajen/Antonia Maia Gusmao.

DILI, 18 janeiru 2021 (TATOLI)—Vise-Ministru Administrasaun Estatál (MAE), Lino de Jesus Torrezão, informa iha 04-05 fevereiru 2021 ne’e MAE sei fó ezame ba Administradór Munisípiu lima (5) ho kandidatu administradór sira hamutuk na’in-37.

Lino de Jesus Torrezão hateten, kandidatu administradór hirak ne’e mak hanesan iha munisípiu Dili kandidadtu iha na’in-hitu (7), Bobonaro na’in-hitu (7), Ermera na’in-ualu (8), Liquiça na’in-lima (5) no Manututo na’in-10.

“Ita deside ona atu fó ezame ba ita-nia kandidatu ba administradór sira, iha munisípiu lima ne’e iha loron 4-5 fevereiru-fulan oin mai ne’e,” Lino de Jesus Torrezão hateten ba Agência TATOLI iha nia knaar fatin, Colmera, Dili, segunda ne’e.

Nia hatutan, Munisípiu Dili ho nia aplikante hamutuk na’in-ualu (8) no na’in-ida (1) esklui tanba lá prenxe kritériu, Munisípiu Bobonaro iha aplikante na’in-sia (9) maibé na’in-rua esklui tiha. Depois, nia informa, hosi Ermera ema na’in-12 maibé na’in-haat (4) esklui, hosi Liquiça aplikante hamutuk na’in-neen (6) no na’in-ida (1) MAE esklui no Munisípiu Manatuto mak aplikante hamutuk 12 no esklui na’in-rua (2).

Governante ne’e esplika, loron dahuluk (4/01/2021) ezame ne’e sei hahú hosi Munisípiu Dili, Ermera no Liquiça, depois loron tuir mai mak Munisípiu Manututo no no Bobonaro.

“Tuir loloos, ita fó ezame dala ida de’it maibé tanba ita-nia situasaun pandemia COVID-19 ne’e mak ita tenke fahe ba loron rua, hodi haree ba distánsiamentu ne’e no tanba mós ema (kandidatu) barak liu. Ezame administradór ba Munisípiu lima ne’e, sei realiza iha Munisípiu Dili,” nia haklaken.

Notísia Relevante: Kandidatu Prezidente Autoridade Munisípiu Dili sei iha faze selesaun dokumentu

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here