Estudante sira uza maskara no fase hela liman bainhira partisipa iha abertura prosesu aprendizajen iha eskola primária São José Operário Balide. Imajen António Goncalves

DILI, 15 janeiru 2021 (TATOLI)—Diretór Nasionál Patrimoniu Lojístika no Informátika, Ministériu Edukasaun Juventude no Desportu (MEJD), Manuel de Jesus, hateten ekipa lojístika iha ona planu sei distribui máskara ba eskola sira iha Munisípiu Covalima, Bobonaro, Liquiça no Dili iha semana-oin.

Nia parte fó prioridade ba munisípiu haat ne’e tanba konsidera risku ba transmisaun surtu COVID-19. Daudaun  ne’e MEJD sei iha estoke máskara purvolta 67.000 ne’ebé hetan apoiu husi parseiru internasionál hanesan UNICEF, Governu Austrália, Governu Xina no seluk tan iha tinan 2020.

Notísia Relevante:Semana oin estudante sira filafali bá eskola

“Ita sei iha estoke máskara ne’ebé ita asegura hela, no máskara sira ne’e kategoria bele fase tanba halo ho hena. Tan ne’e ita iha ona planu semana agora tenki distribui ba eskola sira ne’e para fasilita estudante sira bele partisipa iha aulas prezensiál ho di’ak tuir duni regras protokolu Ministériu Saúde nian.

Alvu MEJD nian katak eskola sira iha fronteira ne’ebé maka risku ba transmisaun COVID-19 sei hetan hotu apoiu máskara husi Governu nune’e bele halo prevensaun moras mundiál ne’e.

“Tan ne’e husu ba inan-aman sira atu fós mós kontribuisaun hodi asegura oan sira husi moras ne’e bele mós fasilita oan sira atu prevene COVID-19 labele hada’et bainhira estudante sira hahú ona aula prezensiál ne’ebé sei realiza iha segunda agora (18/01),” nia hateten.

Notísia Relevante:MEJD ho MS sei diskute regra prevensaun COVID-19 iha eskola

Jornalista : Tomé Amado

Editór:Agapito dos Santos

HAKEREK NO HATÁN

Please enter your comment!
Please enter your name here