Primeiru-Ministru, Taur Matan Ruak. Imajen TATOLI/Egas Cristovão

DILI, 14 janeiru 2021 (TATOLI)—Primeiru-Ministru (PM) no Ministru Interiór, Taur Matan Ruak, informa nia parte laiha koñesimentu kona-ba ezonerasaun Komandate Jerál Polísia Nasionál Timor-Leste (PNTL), Komisáriu Faustino da Costa.

“Ida-ne’e ha’u la hatene,” Ministru Interiór hateten, hodi responde pergunta jornalista sira hafoin enkontru semanál ho Prezidente Repúblika, Francisco Guterres ‘Lú Olo’, iha Palásiu Prezidesiál, kinta ne’e.

Notísia Relevante: Jenerál Lere hakarak Faustino da Costa kontinua lidera PNTL

Atuál Ministru Interiór ne’e deklara kestaun ne’e hodi responde no rejeita informasaun ne’ebé espalla iha públiku kona-ba Governu hahú hanoin atu ezonera ba Komandante Komisáriu Faustino da Costa.

Antes ne’e, Xefe Estadu Maiór Jenerál FALINTIL-Forsa Defeza Timor-Leste (F-FDTL), Majór Jenerál Lere Anan Timur, deklara nia parte kontinua mantein pozisaun defende Komandante Jerál lidera nafatin instituisaun PNTL to’o nia mandatu ramata.

Iha loron 13 marsu 2019, liuhosi reuniaun Konsellu Ministru, Faustino da Costa, nomea Komandate Jerál PNTL ba mandatu tinan haat, hodi subtitui Julio da Costa Hornay.

Proposta rezolusaun Governu ne’e, aprezenta hosi Ministru Interiór ein ezersísiu, Filomeno da Paixão de Jesus, no simu pose iha loron tuir mai.

Antes ne’e, Faustino da Costa hanesan Segundu Komandante PNTL.

Entertanu PNTL harii iha tinan 2000, ne’ebé to’o 2001 hanesan instituisaun Estadu ida hanaran Timor Leste Police Services (TLPS).

Hahú tinan 2001 to’o 2002, TLPS hakfilak ba East Timor Police Services (ETPS) no iha 2002 Governu muda naran Polísia Nasionál Timor-Leste (PNTL).

Jornalista: Florêncio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here