Servisu Migrasaun monta ona kamera termografika deteta COVID-19 postu fronteira terrestre. Imajen/Servisu Migrasaun

DILI, 14 janeiru 2021 (TATOLI)- Diretór Jerál Servisu Migrasaun Superintendente Asistente Polísia, Luis Barreto, informa ekipa tékniku monta ona kamera termografika deteta COVID-19 iha Postu Migrasaun Sakato, Rejiaun Administrativu Espesiál Oe-cusse Ambeno (RAEOA).

Kamera termografika monta iha pontu estrada fronteira hodi halo monitorizasaun no deteta temperatura ba abitante sira ne’ebé halo movimentu tama no sai bele deteta sira-nia kondisaun saúde hodi evita propagasaun surtu COVID-19 tama Timor-Leste.

Notísia Relevante : 2020, Migrasaun hatama millaun $1,1 ba kofre Estadu

Superintendente Asistente Polísia, Luis Barreto hatutan, antes ne’e sira instala ona kamera ne’e iha Postu Migrasaun Aeroportu Internasionál Nicolau Lobato, Comoro Dili, Postu Migrasaun Motain-Batugade no Postu Migrasaun Salele, Suai-Covalima.

“Foin lalais iha loron 6 janeiru 2021, ami monta ona kamera termografika deteta moras COVID-19 iha postu fronteira sira,” Superintendente Asistente, Luis Barreto ba jornalista, ohin, iha Servisu Migrasaun, Vila-Verde, Dili.

Ba abitante sira ne’ebé identifika iha sintoma COVID-19, sei entrega ba Ministériu Saúde hodi haruka hela iha kuarentena ka fatin izolamentu hodi kumpre regra saúde públiku ba luta kontra propagasaun COVID-19.

Iha parte seluk, Servisu Migrasaun sei halo mós reabilitasaun ba edifísiu Migrasaun ne’ebé harii ona iha Postu Tunubibi-Maliana, Citrana, Ataúro inklui apoiu fasilidade hanesan, komputadór, mákina imprime no materiál ATK seluk tan.

Jornalista   : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here