Jogadór Assalam no ofisiál klube sira selebra vitória iha kampu Café Ermera, domingu (18/10/2020). Imajen/Mídia FFTL

DILI, 14 janeiru 2021 (TATOLI) – Prezidente klube Assalam FC, Hipolito Soares, hateten sira-nia parte negosia ona jogadór lokál na’in-17 no estranjeiru na’in-lima (5) hodi reforsa ekipa ne’e ba Liga Futeból Timor – Leste (LFTL) iha époka ne’e.

Notísia Relevante : Lalenok ho Boavista halo transferénsia jogadór estranjeiru

Prezidente Assalam FC, Hipolito Soares. Imajen/Espesiál

Nia dehan , jogadór hirak ne’e seidauk bele fó sai identidade loloos tanba sei iha faze janela transferénsia no negosiasaun. Enkuantu jogadór estranjeiru na’in-lima  ne’e pozitivu ona hein de’it fronteira loke sira bele mai ona Timor-Leste.

Jogadór na’in-lima ne’e, Hipolito hateten, na’in-tolu hosi indonézia, na’in-ida hosi Canada no ida fali seidauk bele fó sai hosi nasaun ne’ebé tanba sei iha hela faze negosiasaun.

“Jogadór sira ami negosia ne’e pozitivu ona, hein de’it LFTL haruka hatama lista jogadór ami hatama ona,” Hipolito hateten ba Agência Tatoli, ohin, liuhosi komunikasaun WhatsApp.

Relasiona ba preparasaun, nia hatutan, lao normal hanesan baibain no prontu ona atu kompete iha liga, tasa 12 de Novembru 2021.

Klube ne’ebé iha poténsia boot hodi prepara jogadór ba LFTL mak Boavista FC Timor, Karketu Dili FC, Lalenok United FC no Assalam rasik.

Jornalista   : Hortencio Sanchez

Editór        : Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here