Adjuntu Sekretariu Jerál FFTL, Frederico Martins. Imajen Tatoli/ Hortencio Sanches

DILI, 08 janeiru 2021 (TATOLI) – Adjuntu Sekretáriu Jerál Federasaun Futeból Timor – Leste (FFTL), Frederico Martins hatete, FFTL parte simu ona pedidu hosi klube rua, hanesan Lalenok United FC no Boavista FC Timor hodi halo transferénsia ba jogadór estranjeiru hodi reforsa klube rua ne’e iha Liga Futeból Timor – Leste (LFTL) 2021.

Notísia Relevante : Nataniel-Osvaldo sei reforsa Lalenok United FC

“Agora daudaun iha pedidu ida hosi Lalenok nia jogadór ida antes ne’e ba tiha li’ur agora fila fali mai tenke halo fali pedidu transferénsia nian no mós Boavista mak halo ona pedidu transferénsia jogadór internasionál,” Frederico Martins, hateten bá Agência Tatoli, ohin, iha edifísiu FFTL, Dili.

Kona-bá jogadór hirak ne’ebé klube rua hato’o pedidu Frederico seidauk bele públika sai naran tanba foin iha faze transferénsia.

“Bá jogadór lokál sira ita halo transferénsia la presiza ho sistema, maibé bá sira internasionál tenke liuhosi sistema hodi kontrola diretamente hosi FIFA no hanesan dadus  ida bá FIFA hodi hatene kada tinan jogadór hira mak tama Timor no hira mak sai fali hosi Timor,” nia dehan.

Dokumentu ne’ebé mak jogadór internasionál sira sei submete mak hanesan, pasaporte, kontratu anterior ne’ebé nia joga iha klube sira iha rai li’ur ba tipu rua jogadór profisionál no jogadór amadora.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here