Reitór UNTL, João Soares Martins. Imajen Tatoli/Tomé Amado.

DILI, 13 janeiru 2021 (TATOLI)Liuhosi sorumutuk Konsellu Ministru (KM), ezekutivu sira nomea João Soares Martins nu’udar Reitór Universidade Nasional Timor Lorosa’e (UNTL).

Nomeasaun ne’e bazeia ba proposta hosi Ministru Ensinu Superiór, Siénsia no Kultura, Longuinhos dos Santos.

“Konsellu Ministru delibera ona hodi nomea Profesór Doutór João Soares Martins hanesan Reitór Universidade Nasionál Timor-Lorosa’e nian ba períodu tinan lima nia-laran,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun KM iha Palásiu Governu, kuarta ne’e.

Notísia Relevante: João Martins eleitu ba Reitór UNTL

Antes ne’e, estrutura Konsellu Jerál UNTL hili ona João Soares Martins nu’udar Reitór foun UNTL liuhosi eleisaun sekreta ida ho votus a-favór 10.

Membru Konsellu Jerál UNTL hamutuk na’in-12 maka iha direitu fó votu ba kandidatu na’in-tolu hanesan Reitór eleitu, João Soares Martins ho votu 10, Reitór sesante, Francisco Miguel Martins ho votu 2 no Acâcio Cardoso Amaral, laiha votu.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here