Ekipa AS Ponta Leste. Imajen/Espesiál

DILI, 08 janeiru 2021 (TATOLI) – Maske iha jornada klube futeból seluk nian eziste kontratu determinadu ba jogadór sira no bainhira kontratu remata tenke komunika fali kontinua kontratu no bele mós hapara kontratu, maibé ba   ekipa AS Ponta Leste sei mantein nia jogadór sira tanba sira-nia jogadór solidu tebes.

Notísia Relevante : Tasa 12 de Novembru, Ponta Leste laiha mudansa ba jogadór

Treinadór AS Ponta Leste, Eduardo Pereira. Imajen/Espesiál

“Ami kontinua mantein nafatin jogadór anterior ho razaun tanba sira solidu tebes ona iha  jornada klube nian, depois iha mós jogadór ida rua hosi segunda divizaun ami halo hela negosia no bele haree mós jogadór estranjeiru tolu, tan nune’e bele reforsa ami,” hateten treinadór prinsipál AS Ponta Leste,  Eduardo Pereira, ohin, bá Agência Tatoli iha kampu Federasaun Futeból Timor – Leste (FFTL), Dili.

Nia dehan, jogadór hirak ne’ebé atu halo rekrutamentu hodi reforsa tan iha parte klaran no liña kotuk ne’ebé sei sai hela difikuldade bá klube refere.

“Tuir ami nia ajénsia ne’ebé iha sei bolu jogadór hosi Indonézia para labele ulun fatuk moras liu-liu viajen mai no visa ba jogadór sira, jogadór sira hanesan Ghana no Brazil ne’e ita ulun moras liu trata sira-nia dokumentu,” nia haklaken.

Tuir nia haree ba Ponta Leste nia prestasaun tun iha kopa FFTL no Tasa 12 Novembru, iha liña kotuk no klaran mak halo falla. Tanba ne’e presiza reforsa no hadi’a iha jogu sira tuir mai.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here