DILI, 06 janeiru 2021 (TATOLI)-La iha karik pandemia COVID-19, Ministériu Justisa (MJ) loke ona vaga bá Timoroan sira ne’ebé lisensiatura iha area direitu hodi tuir formasaun ba sai juis, prokuradór no defensór públiku.
Notísia Relevante : MJ Sei Oferese Bolsu Estudu ba Timoroan Na’in 20
Ministru Justisa, Manuel Cárceres da Costa, hateten Ministériu Justisa iha planu atu loke vaga bá kandidatura juis na’in-15, prokuradór (15) no defensór públiku na’in-15 ho totál ema na’in-30. Nune’e bele prepara rekursu umanu atu fasilita asesu justisa ida di’ak liu bá povu.
“Agora ami prepara hotu ona. Se loke kandidatura entaun regra la bele halibur ema na’in-10 ita viola kedas ne’ebé ita husik lai prepara hotu kondisaun kuandu tempu oportunu ita halo anúnsiu públiku hodi bele konkorre hodi halo selesaun nune’e tama kedas ba formasaun,” Ministru Manuel Cárceres hateten, ohin, hodi responde Agência Tatoli iha Palásiu Governu, Dili
Bainhira kandidatu ne’ebé selesiona liu iha teste sei tama tuir formasaun iha Sentru Formasaun Jurídika no Judisiáriu.
Jornalista : Nelson de Sousa
Editór : Francisco Simões
karik ida nee mak planu nebe diak ba futuru hau konkorda atu nune ita bele aumenta tan ita nia rekursu nebe agora seidauk sufisente
liu-liu iha area juridiku