Ministru Justisa, Manuel Cárceres da Costa, kongratula graduandu sira iha serimónia graduasaun iha Sentru Formasaun Jurídiku no Judisiáriu, Caicoli, Dili, foin lalais ne'e. Imajen/Mídia GMJ

DILI, 03 setembru 2019 (TATOLI)-Semana oin, Ministru Justisa  Manuel Cárceres da Costa, sei dezloka ba Portugal hodi asina akordu kooperasaun atu fasilita timoroan na’in 20 ba estuda iha area juis ho prokuradór iha tinan 2020.

Notísia Relevante : Tinan Oin, MJ Haruka Autór Judisiál 20 Ba Estuda iha Portugal

“Akordu kooperasaun ne’e hodi haruka joven Timoroan ne’ebé remata ona sira nia estudu lisensiatura iha área direitu,  hodi kontinua foti mestradu  atu sai juis no prokuradór, nune’e fila mai Timor-Leste  bele haknaar hanesan juis ho prokuradór,” informa  Ministru Manuel Cárceres da Costa, ohin,  ba Ajénsia TATOLI iha ninia servisu fatin, Caicoli, Dili.

Ministru Justisa (MJ) iha governasaun daualuk ne’e konsidera planu formasaun no kapasitasaun ne’e importante hodi apoiu dezenvolvimentu setór justisa iha futuru.

Hafoin  estabelese tiha akordu kooperasaun ne’e  Ministériu Justisa sei hahú halo rekrutamentu ba bolseiru ne’ebé maka daudaun ne’e  remata ona estudu iha área diretu ho nivel  lisensiatura (S1) no tenke domina   lian Portugés.

Manuel Cárceres da Costa, esplika bolseiru sira ne’e sei hala’o sira ninia estudu iha Universidade Coimbra durante  tinan rua to’o tinan haat no iha ona planu mós atu haruka  Defensór Públiku, Juís ho Prokuradór ba tuir formasaun espesializada ho durasaun tempu fulan tolu to’o neen.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here