Ofisiais PNTL hosi Unidade Tranzitu. Imajen Tatoli/Antonio Gonçalves

DILI, 04 janeiru 2021 (TATOLI)- Hahú hosi janeiru to’o loron 30 dezembru 2020, Komandu Polísia Munisípiu Dili hatama osan hamutuk $166,202 ba Kofre Estadu.

Notísia Relevante : PNTL detein ona ajente ida ne’ebé tiru Martinho Tasi-Rede

Komandante PNTL Munisípiu Dili, Superintendente Xefe, Henrique da Costa dehan, osan sira-ne’e rekolla hosi infratór sira ne’ebé viola regra, la iha karta kondusaun, xapa matrikula la iha, sobu asesór motór, viola sinais tránzitu, sa’e motór la uza kapasete no seluk tan.

“Ba 2020 nian ami rekolla koima hodi hatama ba kofre Estadu hamutuk $166,202,” dehan Komandante Henrique ba jornalista, ohin, iha Komandu PNTL, Caicoli, Dili.

PNTL Dili sei kontinua halo operasaun ba infratór sira ne’ebé kondús transporte la lori dokumentu kompletu para selu multa ba Estadu.

Inisiativa seluk maka, PNTL sei sosializa nafatin lei no sinais tránzitu nian ba sidadaun sira atu kumpre hodi halo viajen labele mosu asidente no insidente.

 Jornalista  : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here