COVID-19

DILI,22 dezembru 2020 (TATOLI)—Ekipa COVID-19 husi Ministériu Saúde, tersa ne’e izola ona Timoroan mane na’in rua ba fatin izolamentu Sentru Saúde Vera-Cruz Dili, tanba hetan moras coronavirus.

Iha konferénsia imprensa, Ministra Saúde, Odete Maria Freitas Belo, hateten, Timoroan na’in rua ne’e ida ho tinan 43 no ida seluk 24 hafoin fila husi Indonézia mai Timor-Leste.

Notísia Relevante :Pasiente COVID-19 alta husi sala izolamentu

”Passageiru dahuluk ho idade 43 mane , asimtomátiku, halo viajén husi Bogor bá Bali iha loron 5 fulan-dezembru, ho Batik Air, husi Bali bá Labuan Bajo, Kupang, iha loron 6 dezembru 2020, no toba kalan ida iha Kupang,’’ informa Governante iha Palasiu da Sinzas Caicoli Dili.

Pasiente ne’e husi Kupang-Atambua iha loron 7 fulan-dezembru hodi hakat liuhosi fronteira terrestre iha loron 8 fulan hanesan hamutuk ho pasajeiru na’in 186, sira kumpre kuarentena obrigatóriu durante ne’e iha kuarentena Tasi-Tolu.

Husi pasajeiru na’in 186 ne’e, halo kuarentena obrigatóriu iha Tasi-Tolu hamutuk 102, auto-kuarentena iha Palm Beach, Kilat Tama Apartament, Pacha Apartament, Beach Garden, no seluk tan hamutuk pasajeiru na’in 84.

Ekipa médiku foti teste ba pasiente ne’e iha loron 16 fulan-dezembru no konfirmadu COVID-19 iha loron 22 fulan-dezembru.

”Depois daruak iha passajeiru ho idade 24 mane, asimtomátiku, viajén husi Malang -Surabaya – Kupang iha  2 fulan-dezembru 2020 ho Lion air, no husi Kupang – Kefa, iha loron 6 dezembru 2020, toba kalan 5 iha Kefa,’’ Ministra Saúde esplika.

Timoroan ne’e hala’o ninia viajén husi Kefa mai Fronteira Batugade ho pasajeiru hamutuk 186 iha loron 8 fulan-dezembru no kumpre kuarentena obrigatóriu iha Tasi-Tolu.

Nia dehan, ekipa médiku halo teste ba pasiente ne’e iha loron 16 fulan-dezembru no konfirmadu hetan coronavirus iha loron 22 fulan-dezembru 2020.

Entretantu, sidadaun ne’ebé tuir ona teste COVID-19 hamutuk 15.911, hein rezultadu 439, rezultadu negativu 15.439, totál kazu pozitivu 35, kazu komulativu 33, rekuperadu 31+4=35, kazu foun 2.

Totál kuarentena hamutuk 374, iha Dili 297, Munisípiu 77, auto-kuarentena 231, iha Dili 212, Munisípiu 19, pasa kuarentena 6.785, Dili iha 5.641 no Munisípiu 1.144.

Notísia Relevante :Pasiente pozitivu COVID-19 foun izola ona iha Vera Cruz

Jornalista : Felicidade Ximenes

Editór:Agapito dos Santos 

HAKEREK NO HATÁN

Please enter your comment!
Please enter your name here