Provedór Adjuntu Boa Governasaun Direitu Umanu no Justisa, José Telo Soares Cristovão. Imajen Tatoli/Egas Cristovão

DILI, 21 dezembru 2020 (TATOLI)-Provedoria Direitu Umanu no Justisa (PDHJ) iha inísiu janeiru to’o 18 dezembru, tinan ne’e, rejista keixa 242 ba violasaun direitu umanu no pratika governasaun ladi’ak.

Notísia Relevante : Kazu 80-resin iha PDHJ, maioria komete hosi membru PNTL

Liuhosi publikasaun ba relatóriu investigasaun iha trimestre IV 2020, ohin, iha edifísiu PDHJ, Caicoli, Dili, Prodevor  PDHJ interinu no atuál Provedór Adjuntu ba Area Boa Governasaun, José Telo S. Cristovão, relata hosi totál kazu ne’e violasaun direitu umanu  148 no pratika Governasaun ladi’ak 94.

PDHJ rejista keixa sira mai hosi Munisípiu Dili  ho keixa 150, no delegasaun territorial PDHJ nian iha Baucau (35), Maliana (35), Same (14) no Oe-Cusse (8).

“Violasaun direitu umanu mak hanesan direitu ba liberdade, integridade no seguransa espesífikamente tratamentu aat, kruél no la umanu,” José Telo hateten.

Nia hatutan, liuhosi prosesu loke investigasaun ba keixa  (128), PDHJ deside taka  ka arkiva  kazu 98 no  seidauk loke prosesu (16).

Nia aprofunda katak kazu violasaun direitu umanu barak liu   komete hosi membru Polísia Nasionál Timor-Leste (PNTL ) balun uza forsa exesivu iha atuasaun  hasoru komunidade ne’ebé la tuir rejime jurídiku uza forsa no ba boa Governasaun hanesan abuzu podér, administrasaun ladi’ak no ilegalidade ne’ebé akontese iha instituisaun Estadu balun.

PDHJ mós halo ona auto notísia ba ministériu públiku hodi bele  halo prosesu tuir lei ka dalan legal ne’ebé eziste.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here