Ministra Saude asina plaka Laboratóriu Patolojia Klínika no Mikrobiolojia .imajen/Felicidade Ximenes.

DILI, 21 dezembru 2020 (TATOLI)—Ministra Saúde, Odete Maria Freitas Belo, segunda ne’e, inugura ona sala Laboratóriu Patolojia Klínika no Mikrobiolojia ne’ebé estabelese iha Laboratóriu Nasionál Bidau Dili.

Laboratóriu Nasionál, úniku laboratóriu ba saúde públika ne’ebé hamahan aan iha Ministériu Saúde nia okos tuir dekretu lei númeru 39/2018, 29 outubru. Diresaun patolojia klínika no mikrobiolojia diresaun boot liu iha  Laboratóriu Nasionál saúde kompostu husi mikrobiolojia imunoserolojia, hematolojia,  parasitalojia no municuler Polymerase chain reaction (PCR).

 Notísia Relevante:LABNAS kobra reseita husi teste COVID-19 hamutuk rihun 39

Diretora Ezekutivu Laboratóriu Nasionál, Endang Soares, informa Governu liuhosi Ministériu Saúde servisu hamutuk ho Menzies Darwin Austrália iha tinan 2016 hodi estabelese Laboratóriu Patolojia Klínika no Mikrobiolojia ho objetivu haforsa kapasidade indetifikasaun intervensaun vizilánsia mmoras infeksaun no diagnóstiku klíniku iha Laboratórium Nasionál Saúde.

“Papel laboratóriu ne’e importante tebes  atu transmite informasaun klaru ba médiku sira hodi nune’e bele fó antibiotiku própriu ba pasiente sira tanba ne’e mak mikrobiolojia ne’e teste ba iha  bakteria no mikrobio sira no patolojia teste ba ran nian no servisu ne’e durante  la’o hela rutina lorloron  amostra ba rutina no diagnóstiku  no mós amostra ba  Screening ba vizilánsia sentinela,” nia hateten hafoin inagura Laboratóriu Patolojia Klínika no Mikrobiolojia, ohin.

Iha fatin hanesan Ministra Saúde, Odete Maria Freitas Belo, agardese ba Governu Austrália no Governu Reinu Unidu ne’ebé mak apoiu fundu  liuhusi  organizasaun DFAT no  the fleming Fund.

“Agradese mós ba ekipa laboratóriu tomak ne’ebé mak durante ne’e servisu maka’as iha tempu COVID-19 nian to’o agora ho di’ak tanba ne’e mak husu ba ekipa sira tenke forte para servisu ho di’ak,” nia dehan.

Ministériu Saúde, sei kontinua apoiu ekipamentu no rekursu umanu ba iha Laboratóriu Nasionál tuir nesesidade.

Entretantu, Kompañia RMS Contraction maka ka’er projetu reabilitasaun ne’e ho orsamentu hamutuk rihun $500.

 Notísia Relevante:Projetu konstrusaun sala Laboratóriu Nasionál atinje 95 %

Jornalista :Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here