Komunikadu Imprensa MEJD.

DILI, 18 dezembru 2020 (TATOLI)—Ministériu Edukasaun Juventude no Desportu (MEJD), sesta ne’e, anúnsia ona rezultadu ezame nasionál katak estudante finalista hamutuk 53.425 ho pursentu 97 maka aprovadu, no 1.647 ka pursentu 3 reprovadu hafoin partisipa ezame nasionál (EN) iha loron 16 to’o 18 fulan-novembru 2020.

Ministru Edukasaun Juventude no Desportu, Armindo Maia, segunda (16/11), distribui materia ezame nasional ba estudante Eskola Ensinu, baziku no Sekundáriu Sagradu Coracão de Jesus (SACROJES) Becora Dili.Imajen/Tome Amado.

Ministru Armindo Maia, relata estudante ensinu báziku hamutuk 30.359, sira ne’ebé maka pasa 29.437 ho pursentu 96.96(%), reprovadu 922 ho pursentu 3.03(%), Ensinu Sekundáriu Jerál ho totál estudante finalista hamutuk 20.145, aprovadu 19.671 (97.65 %), reprovadu ema na’in 474 (2.35%).

Notísia Relevante:Estudante Finalista Na’in 19  Nobel da Paz  La Tuir Ezame Nasionál

Nune’e mós, ensinu tékniku vokasionál iha totál estudante finalista 4.568, aprovadu 4.317 ho pursentu (94.50) no reprovadu ka pursentu (5.50%).

Durante konferénsia imprensa, Governante ne’e lakohi fó sai rajaun saida maka sai obstaklu hodi impede estudante hamutuk rihun 1-resin ne’e la pasa iha ezame nasionál.

“Ha’u hanoin ba estudante sira ne’ebé la pasa ita nafatin tau iha razaun konfidensiál ne’ebé ita laiha komentariu ruma kona-ba kestaun ida ne’e,” nia dehan iha Salaun MEJD Villa-Verde Dili, ohin.

Notísia Relevante:ME Hahú Kurizé Matéria Ezame Nasionál

Jornalista :Tomé Amado

Editór :Agapito dos Santos

HAKEREK NO HATÁN

Please enter your comment!
Please enter your name here