Jogadora Buibere nian lori bola hela no hetan atake hosi jogadora Maranatha nian. Imajen/MC-FFTL

DILI, 16 dezembru 2020 (TATOLI) –Ekipa feminina Maranatha  FC tenke rekoñese nia derrota hasoru Buibere FC iha abertura jogu tasa Rosa “Muki” Bonaparte ho rezultadu golu 1-2.

Notísia Relevante : FFTL sei realiza tasa Rosa Muki Bonaparte ba ekipa feminina

Jogadora Buibere sira selebra golu. Imajen/MC-FFTL

Liuhosi jogu ne’ebé hala’o iha Estádiu Munisipál Dili, ohin, jogadora sira hosi Buibere  FC domina liu bola. Nune’e, foin entrada iha primeira parte minutu tolu (3”), jogadora Nilda Romana (13) “lees’” ona guarda rede Maranatha FC nian liuhosi suta bola dook ida.

Hakat ba minutu 12”, jogadora Buibere nian, Lucelia Fernandes (97), kontribui tan golu ida liuhosi ezekusaun falta ne’ebé komete hosi jogadora Maranatha nian. Nune’e, score sa’e ba 2-0.

Tuir publikasaun MC-FFTL nian iha sira-nia pájina ofisial Facebook relata katak  durante jogu hosi primeira parte to’o segunda parte nian, ekipa jogadora Buibere FC domina liu bola. Mezmu nune’e, jogadora sira Maranatha FC nian lalakon esperansa. Sira “akomoda enerjia” hodi halo kontra atake, nune’e iha minutu 59 jogadora Deonisia Barreto (17) hosi Maranatha FC hatama golu ida ba guarda rede Buibere nian hodi hatuur score 1-2.

Jogu ne’ebé la’o iha situasaun paz no amizade tebes ne’e, termina ho árbitru huu apitu naruk ho rezultadu ikus Maranatha FC simu “derrota” hosi Buibere FC 1-2.

Jornalista     : Hortencio Sanches

Editór             : Francisco Simões

HAKEREK NO HATÁN

Please enter your comment!
Please enter your name here