Ekipa Gala Dinner For Spirit of 2021.Imajen/Raya Event.

DILI, 15 dezembru 2020 (TATOLI)—Kritika oioin hosi komunidade iha rede sosiál Facebook hasoru Raya Event, ikus-ikus ne’e, “manas” tebes, tanba la satisfas ho presu billete festival Gala Dinner For Spirit of 2021karun.

Raya Event maka hahú faan ona billete ba públiku ho presu $100 ba kada ema ho kategoria Verry Important Person (VIP), $150 ba kategoria premium.

Notísia Relevante :Krisdayanti, Marvi, Amora Lemos sei anima populasaun iha tinan foun

Raya Event maka organiza festival Gala Dinner for Spirit of 2021, ne’ebé sei realiza iha loron 31 dezembru 2020, iha salaun OKA, Osindu, Dili,  ne’ebé sei anima hosi artista famozu Timoroan sira hanesan Maria Vitória no seluk tan inklui Diva pop Indonézia, Krisdayanti ho nia oan feto Amora Lemos.

Komisaun organizadora Raya Event, liuhosi nia komunikadu imprensa ne’ebé Agência Tatoli, asesu, ohin,  halo klarifikasaun ba kritika sira ne’e hanesan  tuir mai ne’e;

1.Eventu ne’e nia tipu Gala Dinner/Jantar de Gala, ne’ebé akompaña mós ho artista koñesidu Timoroan sira no Krisdayanti.

La’ós hanesan konsertu baibain ne’ebé públiku mai rona múzika no hotu fahe malu. Gala Dinner ho konsertu buat rua la hanesan. Gala Dinner ne’e iha atendimentu espesiál hosi entrada to’o finál ho servidór profisionál sira. Konsertu baibain tama tur ka hamriik rona múzika to’o hotu fila sem hetan fasilidade mézmu be mutin de’it mós lae.

2.Jantar de Gala ne’e nia billete ka tiketi nia folin $150,00 ba premium no $100,00 ba VIP. Presu ne’e inklui jantár setting table ne’ebé ho nia fasilidade hanesan tuir mai ne’e:

  • Welcome Drink/Bebidas de Boas Vindas no snack
  • Jantar table set ho hahán oin-oin
  • No main course/prato prinsipál
  • Dessert/sobre meza
  • Bebidas/Soft Drink, Wine no Sangria
  • Animasaun hosi artista koñesidu Timoroan sira Tonny Pereira, Anito Matos, Marvi, Gerson Oliveira, Izu Mausoko, Lola Correia & Young KG, Diva Krisdayanti, Amora Lemos, Cocoustic Band, Voldemort Band, Ovid-16, All About Life, Magician Russel Miracle, DJ Ageng e Dansa
  • Eventu ne’e hahú hosi tuku 19:30 Otl to’o tuku 04:00 madrugada

3.Raya Event nu’udár organizadora ba eventu ne’e hakarak mós valoriza ba artista rai-laran ne’ebé mak mesak di’ak de’it. Ho eventu sira nune’e bele motiva sira atu di’ak liután iha futuru.

4.Billete ka tiketi ne’ebé Raya Event fa’an ba ema hotu, laran kama ‘an bele hakat mai hamutuk ho Raya Event. Tinan ikus 2020 nian hamutuk haksolok ho família iha programa oin-oin ne’ebé úniku ho Raya Event.

Jornalista:Tomé Amado

Editór: Agapito dos Santos

HAKEREK NO HATÁN

Please enter your comment!
Please enter your name here