Raul Lemos ho Yonky Kawangian. Imajen/Tome Amado.

DILI, 10 dezembru 2020 (TATOLI)Artista Krisdayanti, Maria Vitória (Marvi), Amora Lemos oan husi Raul Lemos, hamutuk ho artista Timoroan na’in 30 seluk sei halo konsertu muzika hodi anima populasaun iha Kapitál Dili durante eventu festival gala dinner for spirit of 2021 ne’ebé sei hala’o iha loron 31 fulan-dezembru 2020 kalan.

Artista Timoroan seluk ne’e maka Gerson Oliveira, Ijo Mausoko, Anito Matos, Tony Pereira,  Amaco, Ovid 16, Lola Cancio, Amora Lemos, banda Old about life, Acoustic, For the More no seluktan.

Responsavel eventu Festival Gala Dinner for Spirit of 2021, Raul Lemos,  hateten eventu ida ne’e atu selebra pasazén husi tinan 2020 tama ba tinan foun 2021, hodi hatudu ba mundu katak maske TL enfrenta hela pandemia globál COVID-19 maibé la afeta ba espíritu artista sira-nian.

“Papel artista iha mundu inlkui Timor-Leste buka atu transforma sitausaun globál ne’ebé mak lori pániku ba mundu atu nakfila sai fali mundu ida hakamatek, Tanba ne’e, artisita nu’udar embaxaidór ida ne’ebé sei ko’alia ba mundu liuhusi ninia lian ne’ebé furak tanba knananuk sira ne’ebé artista ne’e hananu bele lori hakmatek ba ema ne’ebé rona,” nia dehan iha konferénsia imprensa kinta ne’e, iha kampung-Alor Dili.

Iha biban hanesan Portavóz Raye Group, Yonky Kawangian, reforsa   festival ne’e, sei halo iha Salaun Oka, tanba ne’e, ba maka públiku ne’ebé interese atu asiste konsertu ne’e bele sosa billete ho kategoria VIP no ekonomia.

“Ha’u fiar katak eventu festival ne’e sei sai furak liu tanba artista seniór no juniór sira mak sei servisu maka’as atu lori susesu iha 31 kalan ne’e,” nia informa.

Jornalista :Tomé Amado

Editór :Agapito dos Santos

HAKEREK NO HATÁN

Please enter your comment!
Please enter your name here