Ministru Justisa, Manuel Cárceres da Costa. Imajen Tatoli/Egas Cristovão

DILI, 16 dezembru 2020 (TATOLI)-Orsamentu Jerál Estadu (OJE) 2020 ne’ebé aloka ba Ministériu Justisa (MJ) ho montante $11,609,323  ezekuta ona porsentu 97 (%)

Notísia Relevante : MJ prevee millaun $11,609,323 iha proposta OJE 2020

Montante orsamentu OJE  2020 ba MJ ne’e koloka ba kategoria saláriu vensimentu $4,613,912, bens servisu $6,458,580, kapitál menór $342,830, kapitál dezenvolvimentu $194,000 no transferénsia públika laiha (0).

“Ezekusaun orsamentu 2020 nian ba Ministériu Justisa to’o ona 97%,” Ministru Justisa, Manuel Cárceres da Costa, informa ba Agência Tatoli, ohin, iha nia kna’ar fatin, Dili.

Nia hateten, ezekuta  ba saláriu funsionáriu no ba servisu balun liga ba prizaun nian no mós selu dívida retensaun ba projetu Sistema Nasional Kadastru  (SNC)  nian no restu ba servisu rutina sira seluk.

Manuel Cárceres, garante katak orsamentu ne’ebé daudaun ezekuta besik hotu ho efisiénsia no efikás.

MJ nia ezekusaun Orsamentu Dotasaun Temporáriu (DOT) ne’ebé antes ne’e iha rejime duodesimu, Ministériu Finansas atribui  nia ezekusaun mensalmente lao di’ak.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here