Ministru Ensinu Superiór, Siénsia no Kultura, Longuinhos dos Santos. Imajen Tatoli/Egas Cristovão.

DILI, 16 dezembru 2020 (TATOLI)—Ministru Ensinu Superiór Siénsia no Kultura (MESSK), Longuinhos dos Santos, hateten nia parte sei selu filafali osan bolseiru timoroan sira ne’ebé uza ona hodi sosa billete bainhira fila mai Timor-Leste durante pandemia globál COVID-19.

“Agora daudaun ita prosesa hela atu reembolsa osan ba bolseiru benefisiariu sira ne’ebé mak akaba ona sira nia estudu iha rai-li’ur no agora fila ona mai Timor ho sira nia osan rasik,” nia informa ba Tatoli, iha ninia kna’ar fatin, Colmera, kuarta ne’e.

Notísia Relevante :Estudante Timoroan iha Filipina fila ona mai TL

Ezemplu ida maka bolseiru timoroan ne’ebé estuda iha Brazíl hamutuk na’in haat maka oras ne’e fila ona mai Timor-Leste.

Governante dehan,  oras ne’e, MESSK prosesa hela sira-nia diretu kona-ba gastu hira maka sira gasta ona hahú sai husi Brazíl to’o iha Dili, Timor-Leste.

“Depois ha’u sei informa ba ita-boot sira kuandu hetan ona rezultadu pozitivu,” katak nia.

Notísia Relevante :Euro Atlantico tula pasajeiru 195 fila mai TL

Jornalista: Tomé Amado

Editór: Agapito dos Santos

HAKEREK NO HATÁN

Please enter your comment!
Please enter your name here