Prizoneiru sira iha kareta Prizaun nia laran. Imajen Tatoli/Antonio Goncalves

DILI,  14  dezembru 2020 (TATOLI)-Tribunál Distritál Dili (TDD) liuhosi desizaun julgamentu primeiru interrogatóriu aplika ona prizaun preventiva ba arguidu ho inisiál LS ne’ebé nu’udar autór prinsipál deskonfia oho  negosiante Ernesto dos Santos, iha área Merkadu Taibessi, Suku Lahane Osidentál, Munisípiu Díli, foin lalais ne’e.

Notísia Relevante : Kazu oho Ernesto iha Taibessi, TDD aplika aprezentasaun periódika ba arguidu

Prokuradór Jerál Repúblika, José Ximenes. Imajen Tatoli /Egas Cristovão

“Ema ne’ebé oho vítima joven  Ernesto iha Taibessi agora ba ona prizaun preventiva,”  Prokuradora Jerál Repúblika (PGR), José Ximenes, ohin, informa ba jornalista iha Palásiu Prezidensiál, Dili.

Iha loron 11 dezmbru ne’e, Polísia Nasionál Timor-Leste (PNTL)  liuhosi Servisu Informasaun Polísia (SIP) kaptura  arguidu LS no BSG nu’udar fasilitadór subar arguidu LS iha Postu Administrativu Atsabe, Munisípiu Ermera,.

Hafoin polísia transporta kedas arguidu ba iha Komandu PNTL Munisípiu Dili hodi detein durante oras 72.

Iha loron 01 dezembru, foin lalais ne’e, TDD liuhosi prosesu primeiru interrogatóriu aplika medida koasaun aprezentasaun periódika ba  arguidu ho inisiál JA, ne’ebé deskonfia envolve iha kazu omisídiu ne’e.

Prosesu ne’e Ministériu Públiku (MP) akuza arguidu ho krime omisídiu agravadu no arma branka.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here