iklan

JUSTISA, DILI, KAPITÁL, LEI

Kazu oho Ernesto iha Taibessi, TDD aplika aprezentasaun periódika ba arguidu

Kazu oho Ernesto iha Taibessi, TDD aplika aprezentasaun  periódika ba arguidu

TDD. Imajen Tatoli /Dok

DILI, 02 dezembru 2020 (TATOLI)-Tribunál Distritál Díli (TDD), liuhosi prosesu primeiru interrogatóriu aplika medida koasaun aprezentasaun periódika ba  arguidu ho inisiál JA, ne’ebé deskonfia envolve iha kazu omisídiu, hamate vítima   negosiante Ernesto dos Santos, iha área Merkadu Taibessi, Suku Lahane Osidentál, Munisípiu Díli, foin lalais ne’e.

Notísia Relevante : PNTL detein suspeitu oho Ernesto dos Santos iha Taibesi

Arguidu JA antes ne’e Polísia Nasionál Timor-Leste  (PNTL) halo kapturasaun iha  área Tasi-Tolu, Dili ho evidénsia balun hodi detein kumpre ona detensaun iha sela detensaun polísia nian durante  oras 72 hodi submete mós ba primeiru interrogatóriu.

Ministériu Públiku (MP) akuza arguidu ho krime omisídiu simples, ne’ebé previstu no punidu iha artigu 138, kódigu penál Timor-Leste.

Iha alegasaun, MP  alega arguidu ho prizaun preventiva, maibé  parte defeza husu aprezentasaun periódika, tanba arguidu la’ós autór prinsipál ba kazu ne’e.

Defensór Públiku, Afonso Gomes, ne’ebé fó asisténsia legál ba arguidu via telefone ohin, hateten, Tribunál aplika medida koasaun  ne’e tanba laiha prova sufisiente  ba envolvimentu arguidu nian iha kazu.

Audiénsia Julgamentu ne’e preside hosi Juiza Maria Solana, Ministériu Públiku reprezenta hosi Prokuradóra Bemvinda do Rosário.

Jornalista   : Nelson de Sousa

Editór        : Francisco Simões

iklan
iklan

Leave a Reply

iklan
error: Content is protected !!