Ilustrasaun hosi google.

DILI, 11 dezembru 2020 (TATOLI)—Jestór Klínika Bairru-Pité, Inácio dos Santos, relata hahú tinan  2003 to’o 2020 ne’e rejista ona pasiente Timoroan ho moras HIV/SIDA hamutuk 200-resin.

Husi númeru 200-resin ne’e, pasiente na’in 170 maka halo tratamentu ativu iha fatin ne’ebá, enkuantu na’in 20 halo tratamentu saúde iha fatin seluk.

Notísia Relevante :Timoroan 1.256 mak sofre HIV/SIDA, mate 140

“Hanesan kazu atuál iha fulan kotuk iha fulan-novembru hamutuk lima ne’ebé mak iha deteksaun foun agora numeru ne’ebé mak rejista iha klinika ne’e hamutuk mak 200 itál,” nia informa ba jornalista sira hafoin asiste serimonia asina nota kooperasaun ida entre Country Coordination Mechanism ho Ministériu Saúde hodi elima moras TBC, ohin iha Palasiu Sinzas, Caicoli, ohin.

Timor-Leste daudaun ne’e, iha ona kazu HIV/SIDA pozitivu hamutuk 1.252, na’in 500-resin maka halo tratamentu ativu, maibé seluk maka la halo tratamentu.

Pasiente HIV/SIDA barak liu rejista husi Munisípiu Dili, tuir Bobonaro, Covalima no munisípiu sira seluktan.

”Tanba ne’e mak iha tinan oin fundu ne’ebé mak loka husi Fundu Globál ba klínika Bairru-Pité iha tema ida katak hanorin populasaun seksu ho seguru no seksu ne’ebé mak responsablidade ida ne’e mak ami nia planu atu implementa iha tinan oin ba joven sira,” nia dehan.

Notísia Relevante :2003 To´o 2019, Kazu HIV/SIDA Iha Timor-Leste Hamutuk 1039

Jornalista : Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here