DILI, 10 dezembru 2020 (TATOLI)—Ministériu Edukasaun Juventude no Desportu (MEJD) planea sei rekruta profesór hamutuk 975 iha tinan 2021 hodi hanorin iha eskola ensinu báziku to’o sekundária jerál no mós tékniku vokasionál.
Ministru Armindo Maia, hateten prosesu rekrutamentu ne’e sei fó prioridade liu ba profesór voluntáriu, kazuál no kontratadu purvolta 5.203 ne’ebé hanorin ona komesa iha 2013 to’o agora.
Notísia Relevante :MEJD sei rekruta profesór permanente 150-resin
“Ne’e nahan todan ida ami tenke simu tanba ne’e mak ami hanoin ona oinsá atu buka solusaun ba kestaun profesór sira nian ne’ebé tinan hitu ona kontinua hela ho estatutu ida ne’e,” dehan Governante hodi hatan ba preokupasaun deputadu sira-nia durante diskusaun espesialidade OJE 2021 iha Parlamentu Nasionál, kinta ne’e.
Nia dehan tempu to’o ona atu profesór voluntáriu, no kontratadu sira hetan sira-ninia diretu tanba fó ona kontribuisaun hodi hanorin estudante sira durante tinan barak para dezenvolve setór edukasaun iha rai-laran.
Antes atu halo rekrutamentu, MEJD sei halo konsultasaun ho Komisaun Funsaun Públika (CFP-sigla portugés) hodi haree prosedementu legal kona-ba rekrutamentu.
“Tan ne’e 2021 ne’e ami sei buka solusaun ruma ba profesór sira ne’e, maibé se karik ami labele rekruta to’o númeru ne’ebé fó sai ona entau ami sei halo fazeadamente,” nia hateten.
Notísia Relevante :Eskola Tékniku Vokasionál Becora enfrenta menus profesór ho fasilidades
Jornalista :Tomé Amado
Editór :Agapito dos Santos
Obrigada Ba informasaun 🙏
Myb hkrk husu dt Oinsa ho sira sluk nbe mk Laos Voluntario ga Kontratado. serrá que sira mos bele Concorre ??????
Oinsa ho sira nebe remata sira nia estudu hosi Universidade Nacional Timor-Lorosa’e nebe’e gradua hosi Faculdade Educação, sera que sira mos bele konkore ka lae ba vaga ida ne’e? Obrigado wain ba informasaun.
Presisa investiga mos tanba sa representate MEJD nian iha nasional no disteito husu fali osan husi voluntario sira hodi bosok sira dehan sira hein deit ona asina kontrato maibe too ikus sira nia naran la sai. Foin dadauk tan sira husi dili sae ba distrito no husu tan osan iha voluntario sira iha suco tuir sira nia hakarak deit hodi promete dehan sira naran tama ona lista selwsionado no hein deit rona aviso atu asina kontrato.
hm, ema kontribui tiha ona, maibe sei husu tan osan. Kuitadau, kala sira nia kontribuisaun seidauk too karik.
Diak liu fo prioridade professores sira nebe mak hanorin kleur ona tamba sira iha ona esperencia barak, Habilitasaun Literaria ms sira prense ona.
Liu-husi informasaun ne’ebé mensiona iha leten, ami agradese tebes ba Ministru Edukasaun atu kontinua halo prosesu rekrutamentu mai ami professor kontratariu hotu iha Timor-Leste.