Profesór sira iha ESG 5 de Maio Becora. Foto: https://esg5demaio.wordpress.com/

DILI, 09 outubru 2020 (TATOLI)-Atu reforsa funsionamentu eskola tékniku vokasionál no prosesu aprendizajen ba estudante sira, Ministériu Edukasaun Juventude no Desportu iha ona planu iha tinan 2021 sei rekruta tan profesór permanente hamutuk 150-resin iha territóriu Timor-Leste.

Diretór Nasionál Ensinu Sekundaria Tékniku Vokasionál, João Maupelo, hateten daudaun ne’e Ministériu Edukasaun Juventude no Desportu iha ona profesór permanente 618 maka destaka iha eskola tékniku vokasionál.

Notísia Relevante : Profesór Na´in 408 Asina Kontratu

Totál profesór iha tékniku vokasionál (TECVOC) hamutuk 1.272, profesór parsiál (apoiu husi inan-aman estudante) hamutuk 268, kontratadu 286 no permanente 618.

“Ita iha ona vaga 74 no ita sei loke iha 2021 hodi rekruta tan profesór permanente 150 ital hodi bele apoiu tan profesór permanente ne’ebé iha ona ba eskola TECVOC 58 iha territóriu Timor-Leste inklui RAEOA,” dehan nia ba Tatoli iha MEJD Vila Verde Dili, kinta ne’e.

Planu Governu hodi loke vaga ba profesór permanente ne’e, nia dehan parte ida hodi hamenus númeru profesór parsiál sira ne’ebé maka durante ne’e hanorin ona estudante sira.

Notísia Relevante :Profesór Rihun Rua Sei Remata Formasaun Nível Baxarelatu

 

Jornalista : Tomé Amado

Editór:Agapito dos Santos

1 KOMENTÁRIU

  1. MEJD haree mos ami professores sira nebe sei parcial durante tinan 5 ona maibe MEJD la rekoñese ami. Bainhira rekruta ba professores tecnico vocacional deit ami sente triste tanba halo diskriminasaun. Tuir hau nia observasaun

HAKEREK NO HATÁN

Please enter your comment!
Please enter your name here