DILI, 09 dezembru 2020 (TATOLI)-Komisaun Anti-Korrupsaun (CAC) iha inísiu janeiru to’o dezembru, tinan ne’e, rejista kazu korrupsaun hamutuk 68.
Notísia Relevante : CAC deskonfia sasán Cesta Bázika la balansu ho valor osan
“Husi fulan janeiru to’o agora ita rejista kazu 68 no kazu 38 konklui ona investigasaun hodi enkamiña ba Ministériu Públiku (MP) hodi loke prosesu tuir mai no sira seluk sei iha faze investigasaun,” Komisáriu CAC, Sergio Hornai, informa ba jornalista, ohin, iha edifísiu CNE, Caicoli, Dili.
Nia esplika, kazu-sira ne’e iha indísiu krime ho tipu hanesan korrupsaun pasiva, partisipasaun ekonómiku no negósiu, abuzu podér, mal administrasaun ho sira seluk tan, no kazu sira deskonfia envolve hosi suspeitu-sira hosi ajente administrasaun públika.
Jornalista : Nelson de Sousa
Editór : Francisco Simões
