Membru SIKN akompaña arguidu Liborio Pereira hodi tama ba TDD, kinta (04/12). Imajen Tatoli/Nelson de Sousa

DILI, 05 dezembru 2020 (TATOLI)–Tribunál Distritál Dili (TDD), ohin, fó desizaun primeiru interrogatóriu ba arguidu Libório Pereira ho aplika medida koasaun proibisaun auzénsia.

Notísia Relevante: Tribunál liberta Liborio Pereira hosi sela detensaun

Maibé juis indefere pedidu ida hosi MP nian 187 kona-ba koasaun, ne’ebé hateten katak arguidu iha obrigasaun para atu depozita rihun $50 hanesan garantia ba Estadu, tanba haree ba Ministériu Públiku ladún fundamenta koasaun ida-ne’e mak Defensór Publiku, Sergio Quintas hateten parte Tribunál indefere pedidu Ministériu Públiku nian.

“Nune’e nu’udar defeza hosi arguidu Libório Pereira nian, ami sei haree despaixu juis ne’ebé mak aplika kona-ba medida koasaun proibisaun auzénsia nian. Ami sei haree, karik despaixu ida-ne’e, viola regra balun ne’ebé mak estabelese iha prosesu kódigu penal,” Defensór Publiku Sergio Quintas hateten ba jornalista sira iha Tribunál Distritál Dili, sábadu ne’e.

Sergio Quintas hateten, iha loron 15 nia laran ne’e, nia parte sei halo rekursu kontra despaixu ne’e tanba arguidu Libório Pereira nu’udar kolaboradór ba justisa, tanba arguidu obdese nia direitu hanesan sidadaun, hodi kumpre regra Ministériu Públiku bainhira Autoridade Judisiáriu bolu dala rua arguidu ne’e.

Nia dehan, tanba de’it Ministériu Públiku haree katak nia dezlokasaun ba estranjeiru ne’e, impede MP nia servisu. Entaun, tuir nia, ho ne’e mak MP hakarak hasa’e medida koasaun ne’ebé mais todan liu hosi Termu Identidade Rezidénsia (TIR) ba fali medida kaosaun proibisaun auzénsia para labele sai hosi territóriu Timor-Leste nian.

Maibé defeza arguidu Libório Pereira ne’e hateten, limite ona liberdade arguidu nia direitu tanba konsidera arguidu sei inosente hela.

“Ita hakarak konsidera nia nafatin kona-ba prinsípiu inosénsia ne’ebé estabelese mós iha ita-nia konstituisaun rasik iha artigu 34, nune’e mós iha prosesu kódigu penal,” nia relata.

Sergio Quintas hateten, arguidu la nesasáriu atu aplika osan ho montante boot no foti osan iha ne’ebé, tanba ne’e TDD konsidera hodi indefere pedidu MP nian.

Maibé, nia haktuir ema ida bainhira kulpadu iha desizaun tranzitu insultadu ne’e konstituisaun prevee iha artigu 34. Nia dehan, kazu ne’e foin inisiu prosesu ida atu haree medida koasaun ne’ebé mak nesesáriu atu aplika, seidauk ba iha prosesu komun atu haree aprovadu ka provadu promosaun MP nian.

“Ho hirak ne’e, ita konsidera katak arguidu sei inosente. Arguidu bele halo nia knaar hanesan baibain ne’ebé akontese mós iha mundu tomak. Dala ruma medida koasaun ida-ne’e, la’ós desizaun no desizaun ne’e buat ketak. Entaun desizaun ho aplikasaun medida koasaun ne’e la hanesan. Tanba ne’e, ha’u la aseita. Ha’u promove ona liuhosi primeiru interrogatóriu kona-ba manutensaun ba TIR, maibé tanba juis la simu ami-nia promosaun no juis haliis liu ba promosaun MP nia sorin balun. Entaun, ha’u dehan ida-ne’e ladún justu ba ami,” Sergio Quintas hateten.

Jornalista: Osória Marques

Editór: Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here