Eis prezidente CFP, Liborio Pereira, submete ba primeiru interrogatóriu iha TDD, sesta (04/12). Imajen Tatoli/Nelson de Sousa

DILI, 04  dezembru 2020 (TATOLI)- Eis Prezidente Komisaun Funsaun Públika (CFP), Liborio Pereira, ohin, submete ona ba julgamentu primeiru interrogatóriu iha Tribunál Distritál Dili (TDD).

Notísia Relevante : Polísia detein eis prezidente CFP iha MNEC

Liborio Pereira to’o iha arredores Tribunal Distritál Dili nian ho karreta Polisia Investigasaun Kriminál (SIC), tuku 09:19 Otl, no tuun hosi karreta hetan seguransa hosi membru SIC ho tau roupa detidu no lima rua futu-metin ba oin ho aljema (borgol).

Polísia Nasionál Timor-Leste  (PNTL) liuhosi Servisu Investigasaun Kriminál (SIC) detein Liborio Pereira  iha loron 02 dezembru 2020, iha nia servisu fatin Ministériu Negósiu Estranjeiru no Kooperasaun (MNEC), Dili.

SIC halo detensaun ba Liborio Pereira, atuál Diretór  Ajente Coopercão Timor-Leste (ACTL) iha Ministériu Negósiu Estranjeiru no Kooperasaun (MNEC) ho baze ezekusaun mandadu detensaun primeiru interrogatóriu Tribunál Distritál Dili  (TDD) ho NUC 0077/17.PGGCC.

Arguidu  Liborio Pereira deskonfia envolve iha kazu krime partisipasaun ekonomia no negósiu durante asume pasta hanesan prezidente CFP iha tinan hirak liu-ba.

Prosesu julgamentu primeiru interrogatóriu ne’ebé  prezide hosi Juiza Maria Solana, Ministériu Públiku reprezenta hosi prokuradór Lidia Soares no arguidu hetan asisténsia legál hosi defensór públiku Sergio Quintas ne’e taka ba públiku.

Jornalista       : Nelson de Sousa

Editór             : Francisco Simões

HAKEREK NO HATÁN

Please enter your comment!
Please enter your name here