Ilustrasaun hosi google.

DILI, 01 dezembru 2020 (TATOLI)—Reprezentante husi Organizasaun Naun Govermentál (ONG) Estrela + Timor-Leste, Herman Martins, hateten daudaun ne’e sei kontinua rejista kazu deskriminasaun no estigmasaun hasoru populasaun ne’ebé moris hela infeksaun Human immunodeficiency virus and acquired immune deficiency syndrome (HIV/AIDS iha Timor-Leste.

Tuir dadus husi Ministériu Saúde hahú 2003 to’o fulan-setembru 2020 rejista Timoroan hamutuk ema na’in 1.256 maka hetan infeksaun HIV/SIDA, na’in 140 mate ona, no husi totál  pasiente ne’e pursentu 47 maka halo tratamentu rutina.

Notísia Relevante :Timoroan 1.256 mak sofre HIV/SIDA, mate 140

Nia dehan dala barak akontese populasaun sira tauk atu halo teste HIV/SIDA iha sentru saúde no ospitál sira tanba profisionál saúde sira la rai segredu bainhira identifika pasiente ho kazu pozitivu HIV.

”Ema halo estigmasaun ba maluk sira seluk ne’ebé mak moris ho HIV tanba seidauk iha koñesimentu  ne’ebé mak di’ak hanesan hatun ema nia dignidade moris maibé ida ne’e sente umanu labele halo diskriminiasaun ba malu,” dehan nia bainhira sai oradór iha semináriu ida hodi komemora loron mundiál HIV/SIDA iha Xanana Reading Room, Lecidere, tersa ne’e.

Estigmasaun no deskriminasaun ne’e akontese, nia dehan tanba komunidade maioria  seidauk iha koñesimentu kona-ba HIV/SIDA ho ninia transmisaun sira.

Entretantu, HIV/SIDA bele da’et liuhosi relasaun seksuál, uza lamina hamutuk ho pasiente HIV/SIDA, daun sona,kontaktu direta ho kanek husi pasiente HIV, doasaun ran, no inan sira partu bele da’et ba oan bainhira inan ida kona moras HIV.

Meus prevensaun sira maka tuir mai utiliza profilaxia pós-exposisaun, uza komdom bainhira atu halo relasaun seksuál, evita uza daun uzadu, proibiu uza ai-moruk droga, sirkunsisaun ka sunat ba mane sira bele prevene mosu HIV/SIDA.

Notísia Relevante :2003 To´o 2019, Kazu HIV/SIDA Iha Timor-Leste Hamutuk 1039

Jornalista : Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here