
DILI, 01 dezembru 2020 (TATOLI)-Diretór Sentru Formasaun Jurídika no Judisiál (CFJJ-sigla portugés), Antonino Gonçalves, hateten, bainhira Orsamentu Jerál Estadu (OJE) 2021 aprova ona sei hahú loke vaga 45 ba Timoroan ne’ebé lisensiatura iha area direitu hodi tuir kursu ba juiz, prokuradór no defensór públiku.
Notísia Relevante : CFJJ Seidauk Rekruta Formandu 45 atu Sai Juíz no Defensór Públiku
Ba Agência Tatoli, ohin, iha Dili, Antonino Gonçalves, informa proposta orsamentu ne’ebé daudaun halo diskusaun ona iha Parlamentu Nasionál bainhira to’o ona iha aprovasaun finál global hodi haruka ba Prezidente Repúblika promulga, maka posibilidade iha abríl, tinan oin, hahú loke vaga ba públiku hodi bele konkorre.
Nia hatutan, planu prioridade ba tinan oin mak prepara rekursu umanu ba area judisiáriu tanba ne’e hosi vaga sira ne’e kandidatu ema na’in-15 ba juis, na’in-15 ba prokuradór no na’in-15 ba defensór públiku.
SJFF mós prevee ona iha proposta Orsamentu Jerál Estadu (OJE) 2021, purvolta millaun ida resin dollar Amerikanu hodi bele korresponde ba programa sira-ne’e.
Jornalista : Nelson de Sousa
Editór : Francisco Simões
Entre information Sira ne so povo preukupa liu mak covid-19 tam perigu liu ba nasaun hotu iha iha Timor mak extende tan estado emergency gora sei rejistu aumenta tan Kazu asaltu hadau Ema Nia sasan Nauk ten sei ho numeru nebe bot iha Timor