Advogadu privadu, Pedro Aparício. Imajen Tatoli/Dok

DILI, 28 novembru 2020  (TATOLI)-Trio Advogadu privadu Pedro Aparício, Ligia Soares, no Duarte Carneiro, sei halo rekursu kontra desizaun Tribunál Distritál Dili (TDD) ne’ebé aplika medida koasaun prizaun preventiva ba sira-nia kliente TVB ho DP.

Notísia Relevante : Kazu ligasaun internet ilegál, Tribunál aplika prizaun preventiva arguidu TVB ho DP

Trio advogadu privadu sira-ne’e mak fó asisténsia legal ba arguidu TVB nu’udar jestór prinsipál  operadór  Telekomunikasaun Telemor  no  Diretór Kompañia Elite Computer  ho inisiál DP ba kazu ligasaun rede internet ilegál.

“Ami parte advogadu triste no la kontente ho desizaun ne’e tanba ne’e sei halo rekursu ba prosesu ida ne’e   ba iha Tribunál Rekursu,” Advogadu Pedro Aparício hateten.

TDD liuhosi desizaun julgamentu primeiru interrogatóriu aplika medida koasaun prizaun preventiva ba arguidu TVB ho DP, sábadu (18/11). Imajen Tatoli/Nelson de Sousa

Nia fundamenta katak, razaun Tribunál aplika medida  koasaun prizaun preventiva  tanba konsidera  hala’o atividade ilegál no tenke hetan lisensa hosi Autoridade Nasionál ba Komunikasaun (ANC-siglá portugés). Maibé nia kliente hanesan jestór ba operadór telekomunikasaun Telemor iha dokumentu lisensa atividade iha hotu  ne’ebé selu taxa ba Governu Timor-Leste.

“Laiha lei até agora ANC rasik seidauk hasai lisensa ba iha operadór   Internet Service Provide (ISP) hosi ANC mak seidauk hasai tanba ne’e mak ANC husu ba ISP hotu-hotu ba rejistu komérsiu iha Servisu Rejistu Verifikasaun Emprezariál (SERVE) depois hetan lisensa autorizasaun depois sira fulan-fulan selu taxa ba Estadu no sira laiha problema kona-ba taxa sira ne’e selu hotu,” Pedro Aparício fundamenta.

Nia konsidera, ida-ne’e problema Governu nian atu bele kria lei ida  ISP ne’e rasik hodi regula rede telekomunikasaun esternál tanba  prosesu administrativu iha ANC.

“Ho desizaun Tribunál  nian ne’e afeta tebes ba operadór telekomunikasaun sira iha ne’e no ISP sira iha Timor-Leste,” nia tenik.

Akórdaun Tribunál instánsia durante prazu loron-15 ba parte defeza atu halo rekursu kontra desizaun primeira instánsia nian.

Kona-ba fita ka police line ne’ebé antes ne’e Polísia Servisu Investigasaun Kriminál (SIC) dada  iha parte Telemor bele hasai ona no ba Elite Computer seidauk bele hasai bele hasai.

Notísia Relevante : Prezidente ANC submete ba primeiru interrogatóriu iha Tribunál

Jornalista   : Nelson de Sousa

Editór           : Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here