Embaixadór Uniaun Europeia iha Timor-Leste, Andrew Jacobs. Imajen/rnz.co.nz

DILI, 27 novembru 2020 (TATOLI)—Embaixadór Uniaun Europeia iha Timor-Leste, Andrew Jacobs, rekoñese Estadu no Governu iha kompromisu atu luta no kombate problema má nutrisaun.

Andrew Jacobs, hato’o asuntu ne’e iha ninia diskursu durante serimonia  peskiza aihan no nutrisaun tinan 2020 iha salaun Ministériu Saúde Caicoli Dili, ohin.

Notísia Relevante :TL sei kontinua enfrenta problema mánutrisaun

“Ha’u rekoñese komprimisiu polítika no forte husi Governu Timor Leste hodi luta hasoru má nutrisaun no forñesimentu kuidadu saúde primaria ne’ebé ho kualidade ba komunidade sira,” dehan Diplomata ne’e.

Nia dehan atu implementa polítika no estratejia ba luta kombate problema má nutrisaun iha Timor-Leste, presiza hetan apoiu  másimu husi ezekutivu sira polítiku na’in sira.

Husi peskiza aihan no nutrisaun sei forñese informasaun ne’ebé kualidade atu kontirbui ba definisaun planu implementasaun multi-annual Uniaun Europeia nian ba tinan 2021 to’o 2027.

”Pontus tekniku ne’ebé mak iha kona-ba importansia atu investe iha nutrisaun maibé atu enfatiza katak investe iha saúde maternál no labarik ho nutrisaun ne’ebé mak di’ak saneamentu ijiéne la’ós fundamentál de’it ba hadi’ak ema nia saúde maibé investe hirak ne’e atu promove dezenvolvimentu ekonomia no aumenta kapasidade umanu nasaun nian iha futuru hodi redúz morbilidade no mortalidade ba inan no oan,”  tenik tan.

UE apoiu Euro Millaun10 ba Ministériu Saúde hodi implementa planu estratéjia nutrisaun atu hadia servisu kualidade saúde primária populasaun nian.

”Ami fo kontribuisaun EURO Miliaun Sanulu, miliaun rua kada tinan no apoiu ne’ kanaliza direitamente ba tezouru Timor-Leste nian liuhusi modalidade apoiu orsamentál no apoiu ida ne’ebé hola parte kedas ona iha OJE nian ne’ebé bele utiliza hatuir desizaun Governu nian no bazeia ba atinjementu indikadór nutrisaun ne’ebé mak hetan konkordansia antes ona entre Ministériu saúde no Uniaun Europeia,” Jacob Andrew esplika.

Notísia Relevante :Uniaun Europeia Apoia Millaun $10 Ba Ministériu Saúde

Jornalista : Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here