Ministra Negósiu Estranjeiru no Kooperasaun, Adaljiza Albertina Xavier Reis Magno. Imajen Tatoli/Egas Cristovão.

DILI, 25 novembru 2020 (TATOLI) – Uniaun Europeia kontinua hatudu nia kompromisu no kooperasaun di’ak ho Estadu Timor-Leste. Nune’e, kada tinan UE ajuda millaun $9 ba Orsamentu Jerál Estadu (OJE) Timor-Leste nian.

Notísia Relevante : OJE 2020, MNEK ezekuta ona 90.5%

Ministra Negósiu Estranjeiru no Kooperasaun (MNEK) Adaljiza Alberina Xavier Reis Magno hatete, kooperasaun TL ho UE dezde inísiu to’o agora kontinua lao di’ak tanba ajuda ona prosesu dezenvolvimentu iha nasaun ne’e nian.

“Kooperasaun ita ho Uniaun Europeia lao di’ak loos ho akordu tinan lima-lima no kada tinan sira (UE) hatama osan millaun $9  ba Orsamentu Jerál Estadu hodi ajuda ita nia dezenvolvimentu,” Ministra  Adaljiza hateten hodi responde ne’ebé Agência Tatoli, ohin, iha Palaçio do Governo, Dili.

Iha parte seluk, nia tenik kooperasaun barak mós Governu Timor-Leste halo ho Australia hodi tulun Timor-Leste nia dezenvolvimentu.

“Ita mós halo kooperasaun barak tebes ho Australia. Konkretu ida ikus mak foin lalais iha tan kompromisu  para apoiu ita  milloens $80 ba vasina ema veneravel-sira ne’ebé hetan moras no seluk tan,” Ministra Adaljiza tenik.

Jornalista   : Hortencio Sanchez

Editór          : Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here