Diretór Jerál Ministériu Solidariedade Sosiál no Inkluzaun (MSSI), Rui Manuel Gago Exposto. Imajen Tatoli/Osória Marques

DILI, 23 novembru 2020 (TATOLI)—Governu liuhosi Ministériu Solidaridade  Sosiál no Inkluzaun (MSSI), ohin, ekipa pagamentu nasionál no ekipa pagamentu munisípiu sira hahú halo ona pagamentu ba reklamante subsídiu $200 ba reklamante na’in-2.881.

Notísia Relevante: Semana ne’e, MSSI halo pagamentu ba reklamante 2.881

Diretór Jerál MSSI, Rui Manuel Gago Exposto, hateten hahu ohin ne’e ekipa pagamentu hala’o ona pagamentu ba reklamante sira iha Munisípiu Ermera, Manufahi, Liquiça no Maliana.

“Ohin, Governu liuhosi ekipa pagamentu nasionál no ekipa munisípiu sira hahú halo ona pagamentu ba reklamante subsídiu $200 ba reklamante na’in-2.881. Ohin ne’e, ekipa pagamentu hala’o uluk ona pagamentu ba reklamante sira iha Munisípiu Ermera, Manufahi, Liquiça no Maliana,” Diretór Jerál MSSI, Rui Manuel Gago Exposto, ba jornalista Agência TATOLI via telefónika, segunda ne’e. 

Rui Manuel Gago Exposto hatutan, munisípiu sira seluk ne’ebé mak seidauk halo pagamentu ohin ne’e, tanba Xefe Suku sira foin mak foti osan iha konta bankaria suku nian entaun seidauk bele halo pagamentu. Maibé, nia dehan,  aban hotu-hotu halo ona pagamentu.

Nia hateten, kona-ba Rejiaun Administrativa Espesiál Oé-Cusse Ambeno (RAEOA) bainrua mak halo pagamentu tanba ohin mak ekipa pagamentu nasional hodi MSSI foin mak aranka no aban sira to’o entaun banirua mak pagamentu hahú,” nia hateten.

Kona-ba durasaun pagamentu ba reklamante sira, nia hateten, pagamentu ba munisípiu sira seluk ho durasaun pagamentu loron haat (4) no Munisípiu Dili mak han durasaun to’o loron neen (6) tanba reklamante barak.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here