Imajen/PLFTL

DILI, 19 novembru 2020 (TATOLI) – Ekipa Mushila FC susesu halakon nia adversáriu Caesar Dante FC ho golu úniku iha jogu kontinuasaun Pra Liga Futeból salaun (Futsal) Timor – Leste (PLFTL) segunda jornada ne’ebé hala’o iha kampu Futsal Kuartél Jenerál FALINTIL-Forsa Defeza Timor – Leste (F-FDTL) iha Fatuhada, Dili, ohin kalan.

Notísia Relevante : Pra Liga Futsal Timor-Leste, Ramelau “hurulele” AD Samoro 4-1

Hosi vitória ne’ebé Mushila rekolla lori ekipa ne’e iha direitu simu pontu neen (6) iha tabela klasifikasaun provizóriu PLFTL 2020-2021. Enkuantu Caesar Dante kontinua hela ho pontu tolu (3).

Golu ne’ebé lori Mushila ba vitória marka hosi jogadór Leonizio Leong iha minutu ’39.

Hosi jogu ne’e ekipa rua iha forsa ne’ebé laiha diferente. Lansa suta barak mak ekipa rua ne’e halo, maibé suta hirak ne’e hela de’it hanesan presaun ba malu tanba la kona iha alvu.

To’o minutu ikus árbitru huu apitu naruk hodi termina jogu, vitória monu ba Mushila FC no Caesar Dante obrigadu tenke hela ho derrota maski lakon ho golu mihis.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here