Diretór Ezekutivu ANAAA, Edmundo da Silva Viegas. Imajen/UNILAB

DILI, 18 novembru 2020 (TATOLI)—Diretór Ezekutivu Ajénsia Nasionál Avaliasaun no Akreditasaun Akadémiku (ANAAA), Edmundo Viegas, sujere ba Ministériu Ensinu Superiór Siénsia no Kultura (MESSK), ba futuru presiza atu fó bolsa estudu ba dosente sira ne’ebé hanorin iha Instituisaun Ensinu Superiór Privada nune’e bele aumenta grau akadémiku lisensiatura (S1) ba mestradu (S2) no doutoramanentu (S3).

“Ami nafatin fó pareser ba ministériu para tulun universidade privada sira karik iha bolsa estudu ba dosente sira,” dehan nia ba Tatoli, iha kampus UNTL fakuldade Enjinária Hera, tersa ne’e.

Notísia Relevante:ANAAA avalia ona kursu 105, ida taka

Tuir relatóriu ANAAA nia rejista dosente barak maka ho grau lisensiatura hodi hanorin estudante universitáriu sira. Maibé nia la sita daudaun ne’e totál dosente hamutuk na’in hirak maka hanorin ona iha Universidade públiku no privada hamutuk 18 iha Timor-Leste.

“Maibé ami buka dalan ba sira liuhusi ministériu no Institutu Nasional Siénsia no Teknolojia atu fó mós bolsa peskiza ba sira. Aleinde dosente sira hanorin sira bele halo mós estudu no peskiza atu nune’e dosente sira labele gasta de’it tempu ba hanorin maibé sira bele iha liután matenek no koñesimentu,”tenik tan.

Notísia Relevante:ANAAA Ejize Universidade Sira Investe Maka’as iha Rekursu Umanu

Jornalista : Tomé Amado

Editór :Agapito dos Santos

PUBLISIDADEiklan

HAKEREK NO HATÁN

Please enter your comment!
Please enter your name here