Diretór Ezekutivu ANAAA, Edmundo da Silva Viegas. Foto: UNILAB

DILI, 16 jullu 2020 (TATOLI)-Ajénsia Nasionál Avaliasaun Akreditasaun Akadémika (ANAAA), iha ninia relatóriu avaliasaun ejize ba Instituisaun Ensinu Superiór Públiku no Privadu akreditadu hamutuk 14 iha Timor-Leste atu investe maka’as ba rekursu umanu liliu kapasitasaun ba dosente sira.

“Atu garante kualidade Instituisaun Ensino Superiór la’ós de’it atu kumpre regulamentu ka kriteriu ne’ebé ANAAA prodúz, maibé ami ejize sira atu uza kreteriu sira ne’e atu hadi’a sira-nia uma laran ho beibeik hodi investe iha rekursu umanu,”informa Diretór Ezekutivu Ajénsia Nasionál Avaliasaun Akreditasaun Akadémika (ANAAA), Edmundu Viegas, durante ninia aprezentasaun relatóriu avaliasaun, iha salaun Ian Martin Matadouro kinta ne’e.

Kualidade dosente sira mak bele garante dezenvolvimentu instituisaun hodi dezenvolve kurríkulu para bele hanorin estudante sira ho kualidade.

“Relatóriu avalia ne’ebé ami aprezenta ne’e atu bolu atensaun ba Reitór  sira atu kontinua hadi’a nafatin kualidade intituisaun nian,”tenik tan.

Tanba ne’e, nia husu ba Reitór no Dosente sira atu kontinua esforsu hodi dezenvolve Instituisaun Ensinu Superiór Privada no públika iha Timor-Leste.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here